Herdis si hagedagbok

Verbena bonariensis og spiring

2012-01-22T20:38:00.002+01:00

Kom over denne tråden på hageforumet hagegal. Her finn du informasjon om korleis så verbena bonariensis. Greit å høyre korleis andre har gjort det, spesielt om dei har fått det til sjølvsagt;-)

VERBENA BONARIENSIS-tråd

Fleire nye bekjentskap i frøposane i år, og nokre gamle

2012-01-22T19:43:00.006+01:00

Sådd i dag 22. januar:
Asarina antirrhiniflora (mørk rosa) frå Mariann G, frøboksen i fjor. Lysspirande.
Eccremocarpus scaber "Cherry red" frå aiaus, frøboksen i år.

17. januar:
Rhodochiton atrosanguineum (blodbeger) av eigenhausta frø.
Browallia speciosa "Blue bells"
Heliotropium "Marine" Spirte alt etter fire dagar. Lysspirande.

Ja, så blir det spennande å følge med da. Spirer i januar fungerer som eit effektivt humørvitamin!

Browallia, nytt bekjentskap

2012-01-16T22:59:00.004+01:00

Har kome i gang med litt såing, av dei slaga som treng tid for å blomstre. Har sådd blodbeger, verbena bonariensis og stemor "Rococo ruffles" så langt. Nå vurderer eg å så browallia snart. Det har utvikla seg ein avstandsforelskelse her frå mi side! Gleder meg til å bli betre kjent med denne nydelege planta som så mange skryter av.

Har lese litt om ulike erfaringar folk har med planta på hageforumet Hagegal , og i Daves garden er det nokre nesten poetiske skildringar av blomsten. Litt bekymringsfullt at det er amerikanarar som skryt så av kor fint den klarer seg i varmen, sia eg bur på vestlandet og vanlegvis ikkje kan by på så mykje sommarvarme, men men. Har også lese at den tålte fjorårets regn godt, rett nok på sørlandet, så eg håper det beste.

Såg over frøposane mine i går. Hmm, må begrense meg kraftig så eg ikkje skal sprenge kapasiteten under plantelyset før våren kjem. Korleis i all verda har eg greid å få tak i så mykje frø??

Frøbestilling og dundyne

2011-10-11T16:55:00.006+02:00

Dette bildet er av modne fersknar i ein bakhage i Kristiansand. Om nokre år har kanskje eg også slike i hagen, har nemleg planta ein ferskentre i haust. Amsden, kjøpt på Torheim gartneri.

Ja, så har eg bestilt første sending med frø, nei den andre var det kanskje. Har også rydda inn pellisar, fuchsia og diverse andre overvintringskandidatar i dag. Så fann eg fram dundyna mi og skifta på senga. Nå er det haust!

Første bestilling var frå Magnar Aspaker:

Allium insubricum

Meconopsis aff Lingholm purple flowers

Meconopsis integrifolia

Trollius altaicus

Swertia kingii

Caltha palustris

Verathrum album

Delphinium brunonianum

Magnar bur i Harstad, og dyrkar for det meste skjeldne fjellhagestauder. Kvart år samlar han frø i hagen sin som han legg ut for sal eller bytte på heimesida si. Den inneheld utruleg mange bilder og beskrivingar av plantar, gjerne av ting du ikkje finn info om andre stader. Han har også såtabellar over kva sortar som må ha kuldebehandling og ikkje.

I dag rauk eg utpå igjen, med ei bestilling til Impecta:

Helenium autumnale "New hybrids"

Verbena bonariensis

Heliotropum arborescens "Marine"

Cobaea scandens

Cobaea scandens "Alba"

Browallia speciosa "Blue bells"

Pinus wallichiana

Paulownia tomentosa

Gingko biloba

Amorpha fruticosa

Enkiantus campanulatus

Her er det mykje tre og busker, nokre av desse slaga har eg sådd før utan å lykkast i å få fram noko brukbart. Det handlar litt om manglande spiring, og litt om manglande stell... (huff). Prøver nå igjen eg da, i og med at eg har bestemt meg for at den to mål store tomta mi ein dag skal bli full av fine vekster av alle slag. Tre, busker og stauder er fint i lag, og det finst så utruleg mykje spennande. Må innrømme at besøket mitt i fleire hagar i sommar, men ikkje minst til Gunnhild Humborstad på 1000 åpne hager har inspirert meg veldig. Litt galskap må ein dyrke i livet, og hagegalskap er ein undervurdert tilstand. Nå skal eg prøve å finne eit bilde å legge ut her, det er rot på maskina mi. Nokon må visst rydde der og.

Må seie frå om at bildet under ikkje er frå hagen til Gunnhild, men frå ein park i Kristiansand.

Nokre glimt frå hagen

2011-08-31T22:54:00.004+02:00

Først litt blomstring, noko tilfeldig valgt. Ei sjølvsådd valmue som viste seg å vere ganske søt, og den einaste daglilja eg har, og den har eg til og med to av! Stemmer visst ikkje heilt, for eg har ei til som aldri har blomstra. Den SKAL eg flytte nå i haust, og så få vi sjå om den vil vise seg fram neste år.

Dei andre bilda er frå det store mureprosjektet mitt i sommar. Har fått det rimeleg bra til, og er stolt som berre det over byggverket. Hadde aldri greid det utan hjelpfrå den eldste sønnen min med dei tyngste steinane. Trappa skal eg jammen vise fram ein annan dag, har visst ikkje fått eit godt bilde av den. Den er eg sååå fornøgd med!

Etter kvart som denne noko triste sommaren har nærma seg slutten har endeleg hagetiltaket kome tilbake til meg. Eg har nå hatt tre lange og gode hagedagar, og har fått gjort veldig mykje. Kom heim frå forumtreff i Kristiansand søndag kveld, og hadde fått masse inspirasjon og påfyll. Kjekt var det, og møtte mange kjempekoselege folk. Skal på treff neste år også, så sant det går.

Her er det bilde av alle 24 plantar og stilklingar som vart med heim i handbagasjen på flyet. Takka vere Nefertiti sitt tips om korleis ein ekte hagegal ordnar reiseplantane sine fekk eg med meg atskillig meir enn eg hadde sett for meg at gjekk an!

Tid for frø

2011-03-10T16:49:00.009+01:00

Sit med bunkevis med frøpakkar her, og det dukkar opp ting eg dessverre hadde gløymt at eg hadde skaffa: Gladiolus caucasicus-frøa frå Akoen for eksempel. Spennande! Må berre prøve å få dei i jorda nå da, ellers blir det vel dårleg med spiring...

Her ei liste over staudesådden så langt:

Gladiolus caucasicus (Akoen)

Gladiolus i. palustris (Akoen)

Delphinium cashmerianum (Akoen)

Iris wilsonii (Racemosa)

Anthyllis vulneraria coccinea (Seascape)

Har også på sålista matthiola longipetala, eller Gresk levkøy som den heiter i Impecta-katalogen. Skal visst lukte godt, så det skulle bli ein velduftande sommar når både den og heliotropium "Marine" set i gang å blomstre. Mmmmm, gleder meg til varme sommarkveldar på plattingen:-)

Litt hageaktivitet igjen

2011-03-02T22:35:00.005+01:00

Har endeleg fått ordna og rydda litt på det lusebefengte planterommet mitt i dag. Har strevd med å bli kvitt beista, og har ikkje turt å så eit frø før eg hadde kontroll på det. Da eg endeleg forsto at det var Decis som måtte til, gjekk det bra. Nå er det ingen lus igjen, hurra!

Har jo lenge tenkt at nå MÅ eg snart få sådd blodbegerfrøa frå frøboksen. (Boks med frø som folk legg overskotsfrø i, og sender vidare til andre som har sagt seg interessert). Har jo prøvd å så denne luringen før, men utan hell. Det blir sagt at frøa bør vere ferske, og nå har eg brukt ein mix av "sjølvhausta amatørfrø" frå diverse plassar, noko som brukar å fungere bra når det gjeld frø. Berre prøv, det hjelper ikkje med fin frøpakke, dei heimehausta er alltid best. Blir spennande nå framover:-)

Rhodochiton atrosanguineum (Blodbeger)

Har også lagt i vatn frø av denne, det er ein pelargonium ved navn "Maverick Star"

Og sist men ikkje minst, berre for å ha litt meir "på gang", ei av alle pakkane med løvemunnfrø eg ikkje fekk sådd i fjor: Antirrhinum "Appleblossom"

Dette var ein liten begynnelse, og så er det berre å vente på spirene!

Gamle hageblad, nye idear: "Chicky Chicks"

2010-11-10T09:16:00.006+01:00

Kikka litt i eit Hagen for alle frå 2009, og fann ein artikkel om stemorsblomster. Av dei sortane som vart presentert som nye i 09, var denne:

Er dei ikkje nydelege? Eg likar dei små og enkle, nemleg. Trur eg skal prøve meg på desse, i januar eller noko slikt? Har aldri sådd stemor før, men må da prøve:) Det ser ut til at Mr. Fothergills har dei. Hageglede stod det i bladet at hadde dei, men det var jo i fjor, og det er så veldig vinterstengt der nå. Godt ein kan kose seg med nettbutikkar der frøkjeldene er ubegrensa - heile året!

November-synder i potte

2010-11-07T15:28:00.011+01:00

Vi har starta på den andre vinteren alt, og vi er berre i november. Eg meiner altså at nå er det kvitt på bakken andre gong før jul, for nokre dagar. Ofte har vi ikkje hatt noko anna enn klissvått, iskaldt ausregn fram til over nyttår, men truleg varer ikkje denne vinteren heller så lenge. Dette skriv ein person som er født om vinteren, og som dei første leveåra sine trudde "vinter" betydde permanent snødekke frå oktober til april, og som tok på seg skia rett utanfor døra og gjekk skitur fleire gonger i veka, 2,5-kilometern eller 5-kilometern alt ettersom. Når det vart "vår" smelta snøen, og vi fekk sjå att alt det rare som låg på bakken da den kom hausten før. Nå bur eg på vestlandet i 2010, og her er det ikkje slik! Eg, og mange med meg gleder oss over snøen; den er veldig pen, den gjer alt lysare og den gir muligheter til uteaktivitetar som både små og store set pris på.
Likevel klager eg. Eg har nemleg ting ståande i potter og liggande i poser, som skulle vore i jorda... Sist helg var eg og to andre damer frå det lokale hagelaget på fylkesårsmøte på Kviknes hotell i Balestrand. Det var ei triveleg og inspirerande helg, og som tradisjonen tilseier i hagelagssamanheng: utlodning! Underteikna vann følgande planter:

Kvit bekkeblom caltha palustris, alba

Gul lerkespore (corydalis)

Lammeøre (stachys byzantina)

Rød sporeblomst (centrantus ruber)

hosta "Elegans"

Heldige meg! Men dei står nå der i pottene sine:-( Dessutan har eg liggande lauk av diverse slag som vanleg, både slikt eg har greve opp av jorda i sommar og slikt eg har kjøpt og ikkje fått planta enda. Eg er fæl til å ta vare på den minste vesle lauk som dukkar opp i gravinga, men får eg dei i jorda igjen? Nei....

Andre plantesynder som er begått her er bestilling av hippelauk. Den under er ikkje den eg har bestilt, men fargen er litt lik. Det er min kjære "Orange souvereign", som gjekk ut for meg i den store hippemassakren på grunn av middangrep for to år sidan. Hulk.... Nå er interessa på veg tilbake, etter å ha fått seg eit skudd for baugen av massedøden.

Den står på badet på undervarme og godgjer seg, og ein gjeng andre eigne hipper frå i fjor står kjøleg i kjelleren. Gleder meg til blomster!

Den store japanlønnen min på det nederste bildet fekk knekt av seg to store greiner under forrige snøfall dessverre. Det handla om at den stod med masse lauv på seg, og at snøen som vanleg var tung og våt. Ja ja, eg får stusse og frisere så godt eg kan, og håpe at det fine vesle treet får ein brukbar fasong likevel. Eg planta den for sikkert tretten år sidan, så den hadde vokse seg ganske stor.

Måneskinnslønnen min som er er så glad i, (acer shirasawanum) er veldig pen uansett om det er sommar etller haust. Berre sjå!

Ellers meinte eg at eg såg det var veldig rimelege hipper hos Lille gartner nå? Hmm, skal skal ikke?!

Lopud, alt det andre - del III

2010-10-24T22:06:00.028+02:00

Da vi landa med flyet frå Flesland om kvelden den 9. oktober var det alt mørkt, og den siste avgangen for rutebåten Postira var vi for seine til. Via Lopudreiser hadde vi bestilt oss ekstra båtskyss ut til øya, og det fungerte fint. I lag med ein diger gjeng med bergensarar som skulle ut og drive med turorientering vart vi først kjørt med minibuss til havna, som heiter Gruz. Der venta det eit slags sjørøverskip på oss. Det var ein ganske stor, men åpen trebåt som nok blir brukt til sightseeing i området der vanlegvis. Litt kaldt var det på tur utover, men det gjekk bra. Det var bekmørkt, og vi sat og kjende havlukta i nesa og såg månen speile seg i vatnet og venta spent på å kome fram dit vi skulle.

Her er eit kart over denne 4,6 km2 store øya ein 50-minutts båttur unna Dubrovnik.

Rutebåten Postira har fire avgangar kvar dag, frå og til Lopud. Den går også til dei andre to øyene. Ekssjømannen vår meinte først at den måtte vere frå 40-talet, å dømme etter byggemåten. Den er nemleg klinka, og ikkje sveisa, og det skal visst i følge han vere ein urgamal måte å lage båtar på. Etterpå undersøkte han litt på nettet, og fann ut at den nok er frå 60-talet. Det stemte bra med stilen på interiøret, som nok ikkje har blitt modernisert særleg mykje. Postira er ein holk av ein båt, men med stor sjarm!

Nå er det mykje furuskog og pinjeskog på Lopud, men for ikkje meir enn 70 år sidan var heile Lopud oppdyrka. Jordsmonnet høver godt for sitrusfrukter, og det har vore dyrka vindruer og oliven og mykje anna. Sauehald var også ei veldig viktig næring.

Det er funne mange spor etter grekarar og romarar, men på 900-talet kom Kroatane og busette seg der. Ein har funne restar av fire kroatiske kyrkjer, som er av dei aller eldste, men det skal vere over tretti kyrkjer og kapell til saman. Frå 1100 vart øya ein del av republikken Dubrovnik, og på 15-1600-talet var det verkeleg gode tider. Da blomstra sjøfart og handel, og dominikanarmunkar og fransiskanarmunkar sørga for at barna lærte å lese og skrive, og ellers fekk utdanning på høgt nivå. Det vart også undervist i navigasjon, slik at sjømennene frå Lopud var godt rusta for turane sine, mellom anna heilt til Amerika. Øya hadde på det meste ein flåte på 80 skip, som bisto Dubrovnik i både krig og fred. Det vart bygd herregardar og palass på øya, og det budde om lag 2000 menneske der på det meste. Nå er det dessverre berre 200 fastbuande, og å snakke med dei som bur der er som å snakke med ein nordmann frå eit utkantbygd. Det er bekymring over låge elevtal på skulen, og over at det snart berre er pensjonistar igjen..... Men om sommaren endrar dette seg, og øya blir besøkt av alle slags turistar. Det er tydeleg at nordmenn har oppdaga øya, og ikkje minst tyskarane. Andre nasjonalitetar var det berre nokre av da vi var der i alle fall. Veldig mange av dei som bur og jobbar der er gode i tysk.

Av dei tidlegare verkeleg store attraksjonane kan eg nevne Dordic-Mayneriparken grunnlagt i 1875, som er ein slags botanisk hage opprinneleg bygd av ein rik familie, i tilknytning til eit av palassa. Her vart det planta eksotiske plantar og tre frå heile verda, og det blir sagt at to av dei enorme furutrea her er dei største i Europa. Eg tok også bilde at eit Magnoliatre av ein viss størrelse. Det heiter magnolia acuminata.

Det var også ein dam med gullfisk der, og vi gjekk sikkert rett forbi mange andre spennande ting. Parken skal vere under rehabilitering, og eg håpar at det kjem meir skilt og informasjon etter kvart. Historia er i alle fall spennande.

Av andre og meir moderne attraksjonar, kan eg nevne Your Black Horizon.

Parken var stengt da vi var der, så eg veit i grunnen ikkje så mykje meir enn det eg har lese meg til etterpå. Paviljongen er laga av kunstnaren Olafur Eliasson og arkitekten David Adjaye , og skal ha noko med det spesielle lyset på Lopud å gjere. Eg har i grunnen ikkje greie på sånt,. så det er sikkert veldig flott og bra. Spesielt i alle fall...

Eg likte betre å vandre rundt på øya og jakte på orienteringspostar, og "oppdage" alle dei utruleg spennande historiske minnesmerka som du snublar over alle stader. Som dette vesle kapellet ved vegen til badestranda Sunj.

Det var spennande plante- og dyreliv også. Vi syntes i alle fall det var kjempeartig å sjå denne firfisla kikke fram i muren langs vegen, og helse på den litt større fetteren hans som nok budde på verandaen utanfor den største leiligheta vår. Han dukka i alle fall opp to gonger på same plass, og skvatt nok like mykje som oss kvar gong!

Det er synd at så mange av dei eldgamle historiske minnesmerka står og forfell, som dei gamle kyrkjene for eksempel. Det gjeld også det flotte, gamle funkishotellet Grand Hotel frå 1936, ved strandpromenaden. Det blir hevda å vere det første hotellet ved Middelhavet som er bygd i betong, og skal vere utforma som eit skip med dekk og lugarar, og hagen framfor skal illudere havet. Det er visst verna, men eigaren har truleg ikkje pengar til å restaurere det. Det skal i følge vertinna vår ha vore eit vidunderleg flott hotell i si tid, men det ypperste av alle fasilitetar og luksus du kan tenke deg. Nå ser det rett og slett forferdeleg ut, men når ein tenker på at det er frå 30-talet og ikkje frå 70-talet blir det ganske spesielt. Dei høge palmene framfor hotellet skal viss vere av dei største i søraust-europa. (Det er teikna av arkitekten Nikola Dobrovic)

Ein liten kuriositet til slutt: far min fann denne boka på eit bord i spisesalen på eit av hotella som er i drift, ein dag vi åt frokost der. Forfattaren er den tidlegare redaktøren i den vesle lokalavisa Fjordingen i Stryn, nabokommunen vår der foreldra mine bur, og boka er på nynorsk!

Da blir det ikkje meir Lopud-stoff frå meg på ei stund. Denne øya gjorde eit sterkt inntrykk på meg, og eg synest det har vore interessant å skrive litt om den, både fordi ein i skriveprosessen finn ut ting en ikkje visste frå før, og fordi det kanskje er spennande for andre også å lese om det. Vi er i alle fall inne på tanken om å reise dit igjen i juni, og da kan det nok kome meir Lopudstoff i bloggen....;-

Trangen til grønt

2010-10-22T13:40:00.010+02:00

Som alltid om seinhausten, når det er uigjenkalleleg slutt på dei grønne gledene utadørs, får eg ein sterk trang til å sjå grønne spirer. Det er berre det at dette er ei fullstendig feil årstid å så på... Eg løyser problemet med å så pelargonium, som likar varm inneluft berre dei får nok lys, og pusle med hippeastrumane som snart skal blomstre. Hippene skal gjødslast og vatnast passe mykje heilt til dei skal starte på den kjølege vintersøvnen sin, rett nok med grønne fine blad, men likevel. Dei står i kjellervinduet og er sannsynlegvis opptekne med nokre usynlege, mystiske prosessar inni laukane sine, som handlar om å lage blomsteremner! Der skal dei stå i seks til åtte veker, i ein temperatur på under tretten grader helst. Så kan dei etter kvart takast opp i varmen og få ny jord og litt vatn, for å blomstre. Gleder meg til dette, midt i mørketida:-)))

Pellisfrøa eg har sådd er av to ville artar: pelargonium capitatum og pelargonium alchemilloides Dei har venta eit par år på kome i jorda da, men eg får tru dei vil spire likevel. Gjer dei ikkje det får eg finne noko anna å så......

Dessutan har eg prøvesådd nokre basilicumfrø som havna i ei lomme i haustferien. Spiring etter to dagar. Herleg!

Ynskjer alle ei fin helg!

PS. Etter ei natt på badegolvet er det alt to spirer av alchemilloidesen:-)

Lopud sin vakre natur og planteliv - del II

2010-10-21T17:29:00.016+02:00

I dette innlegget konsentrerer eg meg om det som veks på øya Lopud, både i naturen og innanfor hagegjerda. Nokre stader er overgangen flytande, noko som gjer det ekstra spennande. Eg har ikkje hatt navn å kome med sjølv, men har fått hjelp med dette av hagebloggvennen min Orchis, busett i Portugal og av den grunn ekspert på plantar som veks på sørlege breddegrader.

Jordsmonnet på øya skal vere kalkrik sandjord, og det har vore dreve aktivt jordbruk der tidlegare. Eg har lese at heile øya var oppdyrka ein gong. Kanskje i storhetstida på 15 - 16-hundretalet, for da skal det har budd om lag 2000 personar på Lopud. Det er visst det meste som har vore der, og da kan ein forstå at det trengtes ein del mat! Ellers spurte eg husvertane våre litt om tilgang på vatn, og dei sa at drikkevatnet i dag kjem frå Dubrovnik i vassledningar på havbotnen. Alle dei tre øyene som høyrer til "Elaphiti-øyene" får vatnet sitt via same rørledning. Vår husvertar har i tillegg eiga sisterne med massevis av tusen liter oppsamla regnvatn. Det blir først og fremst brukt til vatning om sommaren, og det kan sikkert trengs, for da er det varmt og tørt.

Langs dei mange stiane og vegane rundt på øya veks det mykje forskjellig. Vi var der altså i oktober, og det var noko nedbør innimellom som kanskje lokka fram plantar som har venta på haustregnet. Eg såg små, gule krokus i fullt flor i ein skråning i ein kjøkkenhage, men dei kan vere planta. Den ørvesle laukplanta du ser under såg derimot aldeles "vill" ut, der den vaks langs ein litt attgrodd sti på nordvestsida av øya. Det er truleg muscari parviflorum.

Ei anna plante som veks vilt, er cyclamen, eller alpefiol i miniutgåve. Dei er så yndige der dei står:

Ofte når vi gjekk tur kjende vi skyer av ulike slags sterke lukter, nokre veldig gode, og nokre ikkje fullt så gode.... Etter kvart greide eg å identifisere klatreplanta under, som ein av leverandørane av godlukt. Nydeleg, men ubestemmeleg. Kunne minne litt om kaprifol, og litt om liljekonvall, men ikkje akkurat slik. Den var i alle fall frodig og grønn, med pene blanke blad som kan skimtast på bildet, og slike små, lysegule blomsterklaser. (Mykje tyder på at dette er smilax aspera som får raude bær, sjå lenger ned).

Veldig mange plassar gjekk vi og tråkka på desse, som låg og råtna på stien:

Det er synd å seie at dei lukta godt! Guttungen er tydelegvis son av eit hagemenneske, for han sa: "Æsj, det luktar kompost!" Ja, det var akkurat det det gjorde, sur kompost. Eg vart nysgjerrig på kva dette er for slags frukter, og kvifor dei veks absolutt alle plassar. Er dei planta? Kan ein bruke desse digre belgene til noko? Hugsar at aller første gongen eg såg slike på bakken var i Spania. Kva slags blad som høyrer til er eg usikker på, men eg tok altså bilde av blada for å kunne identifisere planta... Da blir dette ein liten spørjekonkurranse for dei sydenplantekunnige! Er det blada under som høyrer saman med belgene, eller er det blada på neste bilde??

(Det viser seg at blada under er blad av fiken, eller ficus på lat.)

Orchis kunne opplyse om at det er desse (under) som er blada til planta med dei store "erte"-belgane. Treet heiter ceratonia siliqua på latin, eller Johannesbrødtre, og han fortel at frøa inne i belgane stort sett veg akkurat det same, og har vore brukt til å avgjere vekta av gull, karat. Det er der navnet kjem frå. Ellers blir dei mellom anna brukt til dyrefor (ikkje lenger på Lopud da), kosmetikk og sjokolade.

Vi såg også ein del busker med bær på, og sjølv om eg ikkje veit kva det er, så er dei uansett pene! Orchis foreslår at planta under er viburnum tinus, noko som verkar ganske rett ut frå googlesøk. Viburnum heiter Krossved på norsk, og det finst mange sortar. Denne blir visst også brukt som hageplante hos oss.

Bæra under veks på ein busk som heiter arbutus unedo, eller Jordbærtre. Fruktene skal vere etande om dei er heilt raude og mjuke blir det sagt. Hmm, skal smake neste gong eg får ein sjanse!

Planta under er smilax aspera, som er ei klatreplante med tornar, og som lagar tette buskas som fuglar og smådyr kan gøyme seg i. Den har hjerteforma blad, og dermed fekk eg vite kva slags blad guten min plukka frå bakken og ga mor si både titt og ofte! Dei har fin hjerteform, men var av og til litt våte og skitne. Det kunne eg jo ikkje la meg merke med, når eg fekk eit hjerte i gave!

Vi var på "fjelltur" og ein dag. Toppen heiter Kastio, og er om lag 200 m over havet. Den ligg rett opp for sentrum, og det er ein gamal borgruin der oppe. Inni den var det masse lort som såg ut som sauelort, utan at vi såg ein einaste sau. Det såg vi derimot nede i sentrum på eit inngjerda beite....

Slike lammeøreliknande planter som den under voks det mykje av på og rundt ruinen. Dei var veldig flotte, og eg sikra meg sjølvsagt frø av den. Klimaet på Eid er muligens litt feil for akkurat denne planta, men det går an å prøve;-)

Her ser du "lammeøre-lookalike" på gamal borgruin, med Adriaterhavet i bakgrunnen. Landet vi ser på den andre sida veit eg faktisk ikkje om er fastlandet, eller ei av dei andre to naboøyene.

Her er enda ei viltveksande plante. Den voks konsekvent ut av sprekkar i mur, såg det ut til...

Nede mellom hus og frodige hagar voks det andre ting. Denne er det vel mange som kjenner igjen. Eg har aldri dyrka den sjølv, men meiner dette er ipomoea. Ein plass der det stod tomt, hadde den overteke ein heil hage, og snodde seg malerisk gjennom åpningane i ei gamal og halvt nedramla tredør. Nydeleg farge!

Eg fekk inntrykk av at alle hus hadde hage, og ikkje minst kjøkkenhage. Folk dyrka masse grønnsaker, og husvertane våre hadde ein liten potetåker mellom anna. Vi såg også rosenkål, og mykje anna som eg ikkje hugsar nå. Husvertane våre hadde mellom anna sitron-, lime- og granatepletre. Under ser du sitrontreet ved porten vår:

Ved pergolaen på uteplassen voks det fleire plantar med chili. Dei var litt spesielle, og med ein fantastisk, lysande raudoransje farge som eg vart heilt fasinert av. Eg hadde tenkt å spørje pent om eg kunne få ei frukt for å prøve å så frø av den heime, men eg gløymte det.
Det eg ikkje spurte om lov til, var å ta frø av ei stor, flott basilikumplante som voks rett ved trappa opp til leilighetene våre. Blada på den verka meir robuste enn på den basilikumen vi får kjøpt som butikkplanter her. Den var ganske høg også, og lukta heilt fantastisk! Tok dessverre ikkje bilde av den. Den hadde mange modne frøstandar, og dei tenkte eg ikkje ville merkast om eg tok nokre av. Eg har alt sådd nokre få frø av den for å sjå om dei var spiredyktige, og etter to dagar har fem av sju frø spirt! Gleder meg til å sjå korleis dein oppfører seg, men ventar til etter jul med å så meir. Litt feil årstid nå.

Ellers veks det oliventre absolutt over alt, nokre på plassar der det ser kultivert og stelt ut, og andre der det ser meir viltveksande ut.

Til slutt eit fyrverkeri av ein beplantning. Eg hugsar ikkje kva denne planta heiter i farten, men det er det sikkert mange andre som gjer. Gje meg gjerne ei tilbakemelding i form av ein kommentar;-)

Navnet er lantana camara, seier Orchis. Den blir visst også kalt Vandreblomst på norsk, og kan brukast som potteplante.

Da har eg lært mykje nytt, og førebur eit nytt Lopudinnlegg, som skal handle om historie.

Herlege Lopud, i herlege Kroatia - haustferiereferat!

2010-10-20T18:15:00.012+02:00

Sidan denne bloggaren snart fyller eit veldig, veldig rundt antal år, så bestemte ho seg i vår for å gjere noko litt utanom det vanlege i haustferien. Sidan vi også har førsteklassing i år som trengte tilsyn i ferien, så "måtte" vi ta oss fri. Altså vart det bestemt at bestefar på 82, bestemor på 76, pappa på 57, storebror på 24, mellomstebror på 21, veslebror på 6 og mamma på snart - ja du veit det vel nå... 50, skulle på tur i lag. Eg kom over Lopudreiser sine sider tilfeldig, og reisemålet vart raskt bestemt: øya Lopud i Adriaterhavet, ein 50-minutts båttur unna Dubrovnik i Kroatia. Vi angra ikkje på det...

Her utsikten frå leiligheta og ned i beda under. Trass i at det var oktober var det mykje som blomstra. Vertinna sa at det var skrale greier, men vi syntes at det kunne ikkje vere så verst;-)

Vi budde privat, hos nokre utruleg koselege folk. Her er ein del av den idylliske stien inn til huset. Vi kom inn under ein flott pergola med vinrankar på. Eg fantaserte om korleis det er der om sommaren, i sval skugge, med sollys silt gjennom det frodige grønne lauvet...

Øya er bilfri, og det bur berre 2-300 personar der fast. Om sommaren er det annleis, da er det ein god del turistar. Lokalbefolkninga lever for det meste av turisme, og det er bra at det kjem folk som gjer at dei klarer å halde liv i dei koselege restaurantane og kafeane, og suvenirbutikkane. På kafeen under, som ligg på strandpromenaden midt i "sentrum", la vi att ein del kuna. Dei hadde fantastisk god, heimelaga is, og den beste kaffen på øya.
Ellers gjekk det mykje i pizza, og under ser du gjengen på favorittrestauranten. Sidan det var offisiell sesongslutt akkurat i slutten av haustferieveka, var det dessverre ein del plassar som stengte dei to siste dagane vi var der. Dette handla kanskje også litt om været, som etter Kroatisk standard var forferdeleg. Da kom det ikkje så mange dagsbesøkande over med rutebåten frå Dubrovnik. Uansett var majoriteten av vår gruppe fullsendig fornøgd med nokre dagar med pizza, og da var det i grunnen ikkje noko problem...

Utsikt frå vinduet i leiligheta vår:

Vi hadde to dagar med sol, ein dag med skikkeleg regnvær og fleire dagar med lettskya opphaldsvær. Temperaturen var stort sett fin, oppunder 20 grader. Vi hadde med regnklede, og lot oss ikkje stoppe av været. Vi brukte ein god del tid på å gå tur rett og slett. På øya er det stiar og vegar på kryss og tvers, alle bereikna på å gå sjølvsagt, og mange truleg svært gamle. Det er herleg å sleppe å måtte passe seg for bilar heile tida. Det er murt opp trapper og murar alle stader, og over alt du går er det grønt og frodig og veldig, veldig idyllisk! Det er laga til turorienteringspostar over heile øya, plassert på sjåverdige plassar, nokre nær sentrum, og andre litt meir avsides. Vi kjøpte oss eit kjempefint turkart som eg trur Lopudreiser og nokre spreke bergensarar har laga i fellesskap. Inntekta av kartet, som kosta ein hundrelapp, gjekk til brannvesenet på øya. Dette hadde vi stor glede av, særleg mor og veslegutten:-)
Nå har eg fått med berre ein brøkdel av alt vi opplevde og såg av spennande ting, med det får halde for i dag. Eg fortsetter seinare.

Haustsol og haustanemoner, men først tulipanar...

2010-10-08T14:17:00.008+02:00

Princess Irene

Purple Prince

Ollioules, frå Zimtrade. Darwinhybrid.

Sidan eg ikkje får til å flytte bilda lenger, blir alt litt hulter til bulter her.

Kerengeshoma palmata er nydeleg nå

Måtte berre vise fram dei fine haustanemonene mine. Dei ser ut til å trivast i den litt rufsete lundhagen, og der kan dei berre få stå. Eg ser dei lurer seg til å sende ut litt rotskudd her og der, men det er faktisk heilt greit med den plasseringa dei har. Om eg så fekk lys rosa anemoner i hele lundhagen skulle eg vel tålt det og.... Berre dei ikkje er slemme med den nyyydeleg Kerengeshoma palmata da, som står rett ved. Den er så fin, med nyyydelege lysegule knuppar, og fint bladverk, altså bildet over. I grunnen greit at begge desse som er så seine står rett ved kvarandre. Dessutan veldig fint at eg ser dette bedet frå kjøkkenvinduet. Ofte må jo dei aller siste haustblomstene nytast gjennom eit vindu.

I dag er det ein strålande vær, og eg som egentleg skulle pakke for reisa til Lopud, Kroatia i morra tidleg, har i staden dreve ute og planta lauk og kost meg....

Har planta desse, i fire ulike bed da altså! Sjølv eg ser at dei har best av litt fargesortering...:

Purple Prince, 25

Princess Irene, 10

Ollioules, 30

Allium purple sensation, 15 (liljebedet)

Allium afflatunense, 10 (liljebedet)

Narcissus Thalia, 10

Narcissus Irene Copeland, 10 (dobbel sommarfuglnarciss)

Tulipa Corona ligg pent i posen sin og ventar...

Det var alt eg rakk for i dag. Må altså få pakka litt snart...

Stiklingorgie i september

2010-09-28T12:59:00.008+02:00

Nå driv eg som mange andre og tek inn sommarblomster for hausten. I går kom eg plutseleg på at eg hadde lese om folk som overvintrar alt muleg rart som eg vanlegvis berre har kasta, og googla litt her og der. Har også nyleg vore på bytur, og kjøpte meg da eit engelsk hageblad. Der stod det som tips for hausthaginga at ein skulle ta stiklingar av diverse sommarblomster NÅ.... Muleg det berre går an i England og andre land med meir dagslys om vinteren, men skitt la gå. Eg prøver! Moseplassen har også prøvd, rett nok i mai da.... (Fordi eg aldri greier å lære meg heilt korleis eg skal bruke blogspot, så har eg ikkje greid å flytte på bilda denne gongen, dermed ligg dei hulter tuil bulter. Wordpress på meg snart, tenker eg...)

Under er bilde av ein flott hengepellis som eg kjøpte på Lillehammer i fjor sommar, og som på mirakuløst vis greide seg på planterommet mitt i vinter. Det er ein seigliva type, med andre ord. Den har ein nydeleg, mørk raud farge som sjølvsagt ikkje vart heilt rett på bildet. I sommar har den stura litt på grunn av det kalde været, men har etter kvart blitt finare og finare på verandarekkverket. Eg har greid å få til ein stikling av den i sommar, men den brukte veldig lang tid på å rote seg. Mor mi har fått den, der får den i alle fall godt stell. Nå har eg sett nye stiklingar på planterommet, og så får vi håpe at nokre slår til i det minste. Dei har jo heile vinteren på seg til å bestemme seg.

Neste bilde har ingen ting med stiklingane å gjere, men er teke ut av eit soveromsvindu i andre etasje her for ei veke sia. Det er asfaltarbeidarar i full sving med å asfaltere gardsplassen vår, og det vart så fint! Vi har tenkt på det ei stund, men det kostar litt så det har blitt utsatt og utsatt. Nå som garasjen er ferdig, så var det greit å hive seg frampå da kommunen uansett skulle asfaltere rett ved oss, og maskinene var her likevel. Dette er nesten det beste som har skjedd denne sommaren, farvel ekkel grus med masse (Roundupresistent?!) ugras i!

Her er Million bells-stiklingane: blomsterbilde av den lenger ned.

Mørk raud hengepellis:

Minipetunia, eller meir korrekt: superpetunia?

Så eit portrett av ein av dei få fuchsiaene eg har: Dollar princess meiner eg den heiter. Er sett på planterommet i dag, og eg får håpe den fortsatt lever til våren.

Så vidt eg har greid å finne ut er dette Million bells: Den har vore enda meir djup lilla i fargen tidlegare i sommar, men blomstrar fortsatt ivrig. Har ikkje hatt det godt, planta i ei dum potte som hadde alt for god drenering, så den har nesten vore dau fleire gonger. Fargen er veldig fin, så den kan eg tenke meg mange av neste år....

Dette er visst superpetunia? Eg googla minipetunia, men fekk nesten ikkje treff, så det navnet er nok ikkje korrekt. Den gir sterke petuniaassosiasjonar fordi den luktar akkurat slik, og er veldig klissete å ta på. Eg er ikkje sikker på om eg har likt denne fargen særleg godt, men plantene er frodige og eg er eksperimentmodus, så vi prøver for moro skuld. Blir det veldig mange plantar gir eg dei berre vekk, og dauar dei er ingen skade skjedd.

Den eg ikkje tok stikling av var den kvite bacopaen. Eg får sjå, den er lett å få tak i, og kanskje overlever morplantene.

Ellers har eg ein fuchsia som var einaste overlevande av arten sist vinter. Den heiter Claire de lune, og er ganske fin. Den har blitt stor og fin igjen i løpet av sommaren, men ikkje blomstra før nå.... Det blir fint på planterommet ei stund framover gitt. Skal altså ta bilde av den og legge ut når den sprett ut, tenkte eg skulle prøve å skaffe meg oversikt over dei få eg har og kva dei heiter. Har også to fuchsiastiklingar som har stått på kjøkkenbordet i heile sommar. Dei har vokse veldig sakte, og eg har gjort meg hard og plukka av blomsterknuppar eit par gonger, men nå skal dei få lov til å vise seg fram. Da blir det bilde og navn i bloggen, med håp om eit gjensyn på den andre sida av vinteren:-)

Augustsommarvarme

2010-08-18T10:10:00.007+02:00

Eg jobbar så svetten silar med dette prosjektet i varmen. Joda, vi har da fått sommarvær vi og omsider. Det hjelper ikkje kor varmt det er, eg må berre prøve å få gjort så mykje som muleg før vinteren. Er ganske lei av at det står i stampe. Som de ser under her, så er det eit skrånande stykke som ligg mellom garasjen og ein mur med eit legjerde på toppen.

Den vesle øya med kirsebærtreet kjem mellom to stiar: ein smal øverst til venstre, og ein breiare som kjem att i høgre bildekant. Eg og mannen blir ikkje heilt enige om kva slags kant eller støttemur vi skal ha opp mot bedet på øversida. Eg hellar til betongelement, han vil snekre med trykkimpregnert tre. Vi får sjå.
I dag grov eg meg på ein koloss av ein stein. Eg greide ikkje å rikke den, så eg trur eg må ha hjelp. Den ser rimeleg firkanta ut, så eg tenker den kan brukast til den trappa av naturstein eg har planlagt i ein skråning der den smale stien tek av, der er det nemleg ei lita bratt kneik. Sikkert ikkje lett å forstå dette, men men...
Midt i all jorda så blomstrar det da ganske fint. Eg likar kjempegodt Lychnis coronaria. Sjå kor fin den er i lag med det blåe prydgraset!

Stokkrosene under veks på andre sida av huset, og blir finare for kvar dag! Er så fornøgd med at eg har sådd dei sjølv:-D!

I går tok eg frø av Aquilegia chrysantha. Eg lurer på om den kan vere frøekte?`Fann ikkje eksakte opplysningar om det når eg søkte, men berre anbefaling om å formere den med frø. Eg har ei slik plante, og den har blomstra kollossalt lenge. Bildet under tok eg i går! Ingen av dei andre akeleiene blomstrar nå, og den står midt i sola, og ganske tørt. Fin plante som eg likar betre og betre.

Ellers er eg sjukmeldt igjen nå, og er ganske så usikker på kva framtida vil bringe når det gjeld jobb. Føler for å skifte beite, meir veit eg ikkje sikkert enda. Er i tenkeboksen. Ha ein fin kveld;-)

Tusen strålende soler -?

2010-08-11T11:05:00.011+02:00

Nå blomstrar endeleg dei sjølvsådde stokkrosene frå i fjor. Det er ein rustresistent sort, og så langt ser dei ok ut. Friske og fine, med ganske fine fargar. Enkle, den du ser under er i grunnen den finaste så langt. Nokre er lys lys rosa, og dei er vel godt over to meter høge nå.

Under ser du den lysrosa, med ei humle inni. Den hadde sikkert søkt ly for regnet!
Her er nøkketunga mi: enorm vekst på den i år. Er sikkert også to meter nå, og med enorme knuppar. Fasinerande med sånne kjemper som skyt i været. Denne fekk eg som prikleplante frå nokon i fjor, eller var det året før? Rita kanskje? Den har nok brukt eit par sesongar på å bli såpass diger, trur ikkje den blomstra i fjor.
Som alltid hos meg er fargane ikkje like godt planlagt. Rett ved sida av nøkketunga, som eg går ut frå bli gul, står ein lys rosa kattehale, i lag med ein mørk hyll. Det er sambucus "Black Beauty", som også har blitt diger i år. Desse to kler kvarandre godt synest eg. Kattehalen flytta eg frå ventebed på forsommaren i fjor, akkurat da det var så tørt her. Dermed kom den ikkje i blomst da, men heldigvis er den på plass igjen i år. Denne likar eg! Navn? Hmm. Det er nok Lythrum salicaria "Blush" frå Nautesund tenker eg.

Så til denne gule røvaren, som også er ein diger rugg som tek seg til rette. Den er sådd av frø frå RandiF, og heiter... nei, det kjem eg altså ikkje på i farten. (Telekia speciosa, seier Randi;-)Det var ei av spirene som overlevde da eg sådde, og det er denne. Nå er den enorm, trur veldig mange av plantene mine har likt dette blandingsværet vi har hatt i sommar, med ein miks av regn og sol. Den er da fin? Eg er litt sur for at den legg seg litt utover, men det handlar delvis om at eg er skikkeleg sløv med å støtte opp ting i tide.

Så til ein stolthet: Thalictrum delavay "album". Denne har eg fått med meg frå sjølvaste Peter Korn sin hage, smugla over grensa av ei nervøs Cherie.... Ikkje fint gjort, men freistinga var ikkje til å motstå, og eg tok berre sjansen på ei einaste plante altså, sjølv om han hadde andre godbitar til salgs også...
Knuppane er aldeles nydelege, som små kvite perler.
Sjølvsådde saker, altså sånne som sår seg sjølv, har det veldig godt i hagen min. Det er fordi eg skjelden blandar meg inn i om dei skal få frø seg eller ikkje, og kvar dei skal få vekse.... Dermed skjer det sånne ting som at eg plutseleg har kvite kongslys nesten over alt. Men fine, det er dei! I dag las eg at nokon hadde teke frø av desse, og det burde jo eg ha greid å kome på og...... Skal jammen gjere det i haust. Får håpe det blir mest kvitt avkom, for eg ser at det etter kvart har dukka opp nokre lysegule innimellom dei kvite. Fine dei og, synest eg - og eg blandar meg ikkje så mykje inn i kva dei styrer med som sagt;-) Du ser to gule i bakgrunnen her:
Ei av dei høge plantane som har likt seg i år er mjødurten. Dette er filipendula rubra, muligens "Venusta". Den har brukt å legge seg ned, og i ein varm sommar blomstrar den fort av. Men i år er den flott, og oppreist! Har dessverre spredd seg litt for mykje, så eg trur den må flyttast. Har tenkt ut ny plass og alt, berre å få gjort det.
Klematis-år er det visst og her i hagen. Eg har fortalt om min kjære Hagley Hybrid før, men sjå her kva som blomstrar for første gong: det er "Piilu" frå Kivistik-importen for nokre år sidan. Eg ser at det er to til på gang av dei eg kjøpte da, så dette blir spennande.
Her er det ein ukjent kar som blomstrar fint mørklilla. Det er ikkje "Etoile violet" trur eg? Den er i alle fall ikkje kjøpt som det, for den har eg frå før, og den planta har ikkje tenkt å starte å blomstre enda. Får sjekke listene frå Kivistik-importen og prøve å finne det ut. Fin er den i alle fall.
Ja, den ukjente digre gule (som altså heiter Telekia) sneik seg med til slutt. Den er faktisk ganske fin med den mørke lønnen i bakgrunnen. Berre eg kunne klare å hugse å støtte den opp neste år!
Eg er heime frå jobb i dag, og kosar meg med at tida kan få gå som den vil utan avbrudd. Det er godt for kropp og sjel:-)

Har nødprikla litt

2010-08-06T16:35:00.002+02:00

Har prikla frøplantar av lilium pyrenaicum, thalictrum aquilegifolium, thalictrum rochebrunianum,
delphinium av sjølvhausta frø og meconopsis ? "Burgundy", kva nå det kan vere? Har fått frø av Magnar, men finn den ikkje på lista hans. Har misforstått navnet muligens.

Uansett: alle desse frøa vart sådd vinteren 08 eller tidleg vår 09, og har unngått å bli kasta fordi eg tadig har utsett den kjedelege jobben.... - og så spirer det jammen meg! Held nesten pusten nå, håper det går bra med dei i vinter. Veksten har stagnert, sikkert på grunn av næringsmangel. Nå skal eg prøve å stelle fint med dei så dei blir store og fine til vinteren.

Yndlingsklematisen er Hagley Hybrid

2010-08-06T04:07:00.004+02:00

Praktblomstring på denne i år. Rett ved utesitteplassen, så eg får beundra den stadig vekk. Den kjem tidlegare enn dei andre, og er frodig og fin i veksten. Blomstene er så nydelege rosalilla....

Julihagen min

2010-07-04T11:29:00.006+02:00

Etter å ha hatt trekvart år med hageulyst, har hagen sjølv gitt meg ei påminning om kva gleder som ligg der og ventar på meg. Plantane har ikkje fått anna stell enn ein neve med fullgjødsel i vår, og likevel veks dei over sine bredder. Dei blomstrar og trivst, og er like vakre som før - trass i eigaren sin forsømmelse og vanstell. Eg er i alle fall hekta igjen - heldigvis;-)))

Bilda under ev av eit bed eg vart overraska over i år, fordi eg hadde gløymt at det var så FINT! Eit av dei få beda her som har litt system i fargar og blomstringstid. Nå er bedet i allium-fasen, med lime/lilla som fargetema. De ser prydgraset millium effesum, Allium purple sensation (?), heuchera Lime Rickey og den mørkblada heuchera Rachel. Har også geranium Purple Pillow (?) som er perfekt i fargen til alliumen. . Hadde i tillegg ein lysrosa låg geranium, men den ser ut til å ha forsvunne. I framkant er det klatrebeinved med lyse, brokete blad. Den tek litt mykje plass nå, og må stussast. Ellers har eg ein lukejobb med sjølvsådde (ikkje meg, men planta sjølv) matrem, enkle. Fine, men ugras her etter kvart. Dei er lysegrønne og veldig pene i bladfargen tidleg på sommaren, og var verkeleg dekorative i lag med det endre. Gjekk rett inn i fargepaletten:-)

Bilda av peonar er ikkje teke her i hagen, men hos ei hagevenninne her på Eid. Ho har mange fine, men nå er mine snart i blomstring og! Større i år enn nokon gong, og med mange knuppar!

Ja, da må de alle ha ein fin hagesøndag vidare:-)

Hippeforedrag i boks!

2009-11-22T23:30:00.004+01:00

Bilder av nyinnkjøpte hipper: Razzle Dazzle, Intokazi og Blushing Bride.

Det tidlegare omtalte hippeforedraget på Power Point er nå ferdig. Jo da, har jobba med det i heile dag. Er trøtt og sliten, men ganske fornøgd. Tida går fort når ein er oppslukt av noko som er moro! Hentelapp for nyleg bestilte laukar hos Zimtrade ligg og ventar, og to skjønnheter står på kjøkkenbordet og gjer alt dei kan for å muntre meg opp. Skal slett ikkje klage...

Tusen takk for både støtte, trøst, oppmuntringslinkar samt tilbud om å låne bilder i kommentarane på forrige innlegg. De er så snille alle saman! Helsa er i orden igjen, skal ikkje klage når det er forbigåande helseplager ein har.

Nå blir det spennande om det kjem folk på julemøtet til Eid Hagelag på tirsdag. Håper da det, har vore litt labert i det siste. Eg velger å tolke det som at vi har eit generasjonsskifte på gang her. Tenker at det vil gjere oss godt på litt lengre sikt....;-)

Sjuk Cherie treng trøst....

2009-11-17T09:51:00.006+01:00

Er sjuk i dag, og sit heime og glor. Da er ikkje vegen lang til hippene hos Zimtrade.....

har bestilt:

Pasadena

Picotee

Gervase

Ellers har eg fått ein ubehageleg følelse av at Eid Hagelag sitt julemøte om ei veke kanskje har litt lite program. I år fekk vi ikkje tak i nokon til å lage/demonstrere juledekorasjonar. Det har brukt å vere populært, og mange vil nok sakne det. Vi skal ha bildekavalkade frå alle hagevandringane siste året, og det trur eg blir bra, men skulle vi hatt litt meir?

Ideen som kom til meg i grålysinga i dag var å lage power-point-foredrag om - ja du kan vel gjette det?

HIPPEASTRUM!

At det ikkje "berre er ein juleblomst, raud eller kvit", korleis stelle den for å få blomst på nytt og ikkje minst: mange fiiiine bilder! Akkurat det har eg litt av liggande, så nå er det berre om å gjere å få det til.

Ellers har eg det stort sett berre bra;-)

Rødbetesuppe (borsjtsj) med produkt frå hagen

2009-11-15T15:04:00.003+01:00

I går laga eg ei vanvittig god rødbetesuppe. At eg kunne putte oppi diverse saker frå eigen hage, gjorde at den kvalifiserer til publisering på hagebloggen. Russisk rødbetesuppe heiter "borsjtsj", men uttalen er eg noko usikker på. "Bortsj" eller noko slikt? Eg brukar altså den rutete kokeboka til Ingrid Espelid som inspirasjonskjelde. Den er best, i dei fleste samanhengar. Beste kokeboka eg har i huset i alle fall.

Det står om suppa at "Dette er en russisk suppe som også blir brukt mye i Polen". At eg hadde ståande eit glas med noko flytande, raudt oppi som truleg var (berre polsk tekst) konsentrert rødbetesuppebasis, kjøpt i Polen tidlegare i haust, gjorde nok til at suppa fekk ein ekstra schwung.

BORSJTSJ
Basisen er kjøttkraft kokt på storfe. 2 liter?

Du kuttar opp litt kvitkål, sellerirot og purre og freser det i smør i ei gryte. Rødbetene skal skrellast og skjærast i små terningar. Eg måtte kjøpe, da dei eg sådde ikkje vart noko av, men kanskje det går betre neste år? Eg hadde ikkje i poteter, lauk og knuste hermetiske tomatar, men det står det at ein skal i Espelid-boka. Hadde rikeleg med (eigenprodusert) purre i staden.

Kok opp krafta med dei freste, mjuke grønnsakene og rødbetene. Rødbetene treng litt tid på å bli møre, ca. 20 minutt kanskje? Smak til med ørlitt eddik, timian, heimelaga urtesalt og pepper.

Server med brød, og ha ein klatt creme fraiche i tallerkenen. Eg hadde også oppi kokte kjøttbitar.

Hippe-handel i Førde

2009-11-06T09:19:00.003+01:00

Har vore ein tur til Førde, og fekk teke ein liten tur innom plantasjen. Ikkje spesielt godt utvalg, men fekk da tak i
-Blushing Bride og
-Razzle Dazzle

Tidlegare i veka kjøpte eg ein Intokazi på Mega her på Eid. Moro å ha nokre blomstergleder å sjå fram til igjen.

Ellers er det travelt på jobb for tida, men eg håper det roar seg ned snart. Må også melde at eg i dag har vaska og rydda i eit kjøkkenskåp. Dette er såpass revolusjonerande at eg veit ikkje enda om det er positivt, eller eit utslag av noko meir alvorleg og underliggande. Eg tullar nå. Sjølvsagt er det positivt, og muligens eit lite signal om at det er håp for denne husmora fortsatt.......

Her er det spådd klarvær og sol, men kaldt, ei veke framover. Da får vi nyte dei siste solstrålane før sola dukkar ned bak fjellet for godt i slutten av månaden.

Eg har planlagt å lage indisk mat i helga, til ære for han far i huset på farsdagen. Skal kose meg med fersk ingefær, chili og haugar av kvitlauk, samt masse krydder!

Ha ei fin helg!

Litt haging igjen omsider

2009-10-18T13:39:00.004+02:00

Endeleg fekk eg rota meg ut i hagen igjen. Ser at det forrige innlegget er frå midten av juli. Nei og nei for ein sløv hage- og bloggeigar. HUFF!!

Rett etter det siste innlegget var skreve reiste vi på ferie. Da hadde det vore tørke ei lang stund, kjempevarmt (slik at underteikna vart sittande dehydrert og slapp i ein krok), samt at eg hadde pådrege meg ALT for mange sommarblomster og andre "ute om sommaren"-planter, og heldt på å jobbe meg i hel med alt som måtte ordnast før vi kunne reise vekk. Neste år skal eg og må eg få til vatning i kjøkkenhagen, og eg skal ikkje ha så mange plantar i potter ute. Er jo muleg å drepe seg på vatning i tørkeperiodar, det er ikkje det mest morosame eg veit i 30 graders varme altså....

I dag har eg pusla litt i kjøkkenhagen, og har teke inn nokre purrar samt alle "gulerøttene" mine. Stor skuffelse at dei ikkje vart noko av, dei fleste var små og kulerunde, såg ut som om dei hadde slutta å vekse nedover ganske tidleg. Kanskje heng det saman med at det var så tørt på våren/forsommaren. Eg vatna ikkje godt nok, det er eg klar over. Rødbetene vart det heller ikkje noko av, men der trur eg ein diger lønn rett ved har skulda. Den skal vekk så fort det blir ei lita skorpe med tele i bakken. Ser for meg at eit av valnøtt-trea kan få stå der i staden.

Den grusomme hausten vi har hatt må også nevnast, for etter at vi kom heim frå sommarferie uti august har det regna i eitt.

I dag har det faktisk vore fint, sol på stueveggen nå. Fårikålgryta står og putrar, og snart får vi middagsbesøk. Håper hagegløden tek seg oppatt, for eit liv utan hagegalskap er knapt noko liv.

Ha ein fin søndag!

Nydeleg, mildt sommarregn - endeleg kom det!

2009-07-12T21:28:00.005+02:00

Nå blomstrar liljene. Denne vesle, sjarmerande saken står så feilplassert som det går an, men den er kjempesøt med fregnene sine. I år må det da vel bli ein mulighet til å få flytta den etter blomstringa er over.

Nå blomstrar også dette bedet, sjølv om bildet er frå i fjor. Dei er enda frodigare i år, og i knallfargar så det forslår. Resten av dette digre bedet i full sol består av diverse malurt, gul tagetes (Tenuifolia og "Favourite Red") lysegul Gåseblom, marikåpe, ildraude heuchera-blomster samt cephalaria gigantea, og diverse lilla i form av prydsvinerot, graslauk, salvie og revebjeller (ville). Eg LIKAR desse fargane, og har bestemt meg for at bedet skal få vere slik, med små justeringar.

Her er bedet i år, teke for nokre dagar sidan. (forstår ikkje kvifor dette bildet ikkje er klikkbart slik som dei andre..??)

Ellers har eg hatt eit par maratondagar ute, med planting, bæring, luking, klipping og eg veit ikkje kva. Eg har brukt seks sekkar med jord, men kan nesten ikkje greie å gjenkalle kva dei har blitt brukt til. Jo, sjølvsagt: det går litt jord i to murarbaljer. Eg har endeleg fått bestemt meg for kva eg skulle gjere med tomatplantene mine.... Dei har stått på planterommet til nå, lange og ulenkelege. Eg er dårleg på oppbinding og slikt... I dag fekk dei kome ut, to vart "slakta", dei var så tuslete og med så skjøre greiner at dei knakk for eit godt ord. Dei som overlevde ("Subarctic plenty" for det meste), havna i to murarbaljer, med leca i botnen, og med egenhendig drilla hol litt opp på sidene. Over desse står eit "stativ" av aluminiumsbeina på eit utebord som vinden tok i fjor. Eg har knytt fast to bambuskjeppar der bordplata var, og så har eg festa tomatgreinene på desse. Over heile stasen har eg lagt fiberduk, godt festa.... Går dette bra så er det eit under. Eg er elendig på tomatdyrking!

Etter at eg hadde planta ut dei ller, aller siste småplantene kom faktisk regnet! Det var så herleg med skikkeleg nedbør omsider, det er så tørt her at jorda er som oske.. Da vart eg spart for litt vatning, noko som var kjærkomment til de grader. RESTEN av sommaren skal eg berre kose meg, trur eg.

Iris ensata - endeleg

2009-07-05T20:53:00.005+02:00

Iris ensata "Gracieuse" i knupp over. Veldig flott med det spiralmønsteret!Her er den fullt utsprungne blomsten. Vakker! Det er Gracieuse, ingen tvil nå. To knuppar har åpna seg og tre til er på gang. Eg skal ha meg fleire japanske iris!

Ellers må eg berre ta med bilde av eucalyptusen min. Såg nemleg eit program med Monty Don på NRK i dag, og han var i Australia og New Zealand. Han beundra nokre flotte, kvitstamma eucalyptustre, og eg kom på at eg falt fullstendig for eucalyptustrea i Kew Gardens. Men eg har eit par sjølv, dei har faktisk overlevd ute i vinter. Nå har eg planta det eine i potte, for eg såg kor stort treet til hagevennina mi hadde blitt. Ho overvintra nemleg sitt i potte inne i vinter, og vi fekk dei samtidig. Prøver garasjen tenker eg. Blir uansett litt lunare enn ute, og dei overlever jo der...

Ein veldig fin og spesiell Delphinium med nesten svarte knuppar (navn...?), fått av Marosa for to år sidan. Den har eg bestemt at skal bytte plass med den kjempestore kvite ved plattingen, høver betre med denne halvhøge ved sitteplassen, og så får vi beundre den oftare. Sjå, den er kvit inni.... !

NÅ blomstrar denne giganten for første gong! Sådd sjølv, av frø frå RandiF, ei spire - nå ein gigant. Nesten like høg som meg i år, noko mindre i fjor men med tydeleg potensiale alt da.... Eg likar sånne gigantar. Imponerande vekstkraft, og gir ein frodig, jungelaktig effekt.

Ellers har eg plukka hylleblomster og sett saft. Står i kjelleren i 10-litersgryta mi. Nå må eg for all del ikkje gløyme den....

Iris ensata - spenninga stig......!!!

2009-07-02T09:30:00.002+02:00

I dag tidleg såg eg såvidt i noko blått og kvitt ytterst på den eine knuppen av Iris ensata, ser faktisk ut som om det ER "Gracieuse" eg har fått. Den blir også kalt japansk iris. Den likar sur, fuktig jord, og står midt i surjordsbedet mitt. Eg fekk den gjennom Eurobulb-importen i 07, og den skal nå blomstre for første gong. Bilde og rapport følger!

Bilder frå junihagen

2009-06-30T19:27:00.007+02:00

Dette er blomster i hagen akkurat nå. Her er Linaria purpurea, frøplanter fått på ei hagevandring i ein fantastisk flott og kreativ hage i Utvik i fjor sommar. Plantene der kom visst frå frø frå ein hage i England. Den sår seg visst veldig iherdig, og så sløv som eg er til å ta vekk frøstandar har eg den vel snart over alt....

Her er første blomsten på Lychnis chalcedonica, kvit, fått som bytte-prikleplanter av Berit i fjor. Nå er det ein flott skog av dei, enda eg har gitt vekk maaange! Herlege planter, veks ute på kanten av eit bed som snur ut mot ein skrent, magert og solsteikt. Det likar dei, og det synest eg eg bra! I same bedet har eg også Lychnis coronaria, kvit den også, men den stod så langt inn i bedet at eg ikkje fekk til å ta bilde. Den har også akkurat starta blomstringa.

I same bedet veks Geranium himalayense. Dei sådde eg i fjor, men stussar over at mine ser mykje bleikare ut i fargen enn dei på bildet. Eg klagar ikkje, for den er litt anleis enn andre Geranium, som har ein tendens til å vere litt like. Dessutan høver den godt i akkurat dette bedet. Geranium "Magnar" veks også i dette bedet, noko mørkare i fargen, men den har blomstra av nå. Det kom opp ei einaste frøplante frå frøa frå akoen i fjor, men det var nok for meg;-) (eg er absolutt ingen mestersåar). Tilfeldigvis har dette bedet fått aldeles nydelege fargar: i framkant store, robuste Plantago major "Rubra", som jo er ganske mørk raude. Så kjem det grå i form av malurt og lammeøre. Blomsterfargane går (for det meste) i lys lys pastell: Linariaen i lys rosa, ei lysegul akeleie som fortsatt blomstrar, lys bleiklilla Timian og lys bleiklilla Geranium, kvit/sølvfarga Lychnis chalcedonica og kvit Lychnis coronaria. Det er rett og slett pent, og for ein gongs skuld nokolunde harmonisk i fargane. Var stort sett flaks, men likevel da.... Eg er fornøgd:-D

Her er eit utsnitt av dette tørre solbedet, med "Bestarosa" i bakgrunnen. Den er eit rotskudd av buskrose frå hagen til farmora mi i Stryn, og er veldig vanleg i gamle hagar her. Den likar seg også godt i denne solfylte sørveggen, rett ved ein mur. Ellers ser de lammeøre Stachys byzantina og Linaria, Hosta og kvit haustfloks som ikkje blomstrar enda.

På den aller tørraste og magraste plassen på tomta veks desse nellikane (Dianthus deltoides) frå Hajal. Har to slag til, men hugsar ikkje navna i farten. Dette er den finaste synest eg, den har litt mørke stilkar og blad, og ein herleg, intens rosafarge.

Dette er min sjølvsådde timian frå i fjor. Den er fantastisk blomsterrik, og så fin! Bier og humler surrar rundt den heile tida, og sjå kor fin den er ved sida av Artemisia stelleriana (Sandmalurt). Det er forresten ein malurt etter min smak, rimeleg kompakt vekst, og stive stilkar, samt ein vanvittig fin sølvfage på blada!

Stachys grandiflora, prydsvinerot, er fin akkurat nå. Egentleg ei plante eg vil ha meir av rundt omkring, den er villig, blomsterrik, og den blomstrar på ei tid litt etter enkelte ting, og før andre ting, om de forstår....

Nattlys (Oenothera) er fint! Veit ikkje meir om navnet, har fått den av nokon. Den likar også sol og tørr jord, det er fint. Sjå på dei raude, spisse knuppane! Skal dele og formeire opp denne når eg får den hersens stien i boks.

Lenger bort i bedet, ved sitteplassen, blomstrar nå den kvite, høge Ridderspora.

Enda lenger bort kom desse nydelege nellikane igjen i år, dei var kjøpt i fjor. Eg synest dei er fine!

Heroisk innsats i 28 varmegrader

2009-06-28T23:08:00.004+02:00

OK. Da startar vi med Cephalariaen. I år er dei enorme, vil tru ein middels basketballspelar ville kjent seg litt liten ved sida av.... Dei er så fantastisk flotte! Høgt over alle dei andre blomstene svever desse små solene.... Åh - yndlingsblomsten min akkurat nå.

Så kjem bøttene med - eh, mandelpoteter?? Nei da. Slett ikkje. Dette er faktisk mine nesten 20 liter med påskeliljelauk, greve opp i går og i dag. Ja, litt snøklokker og nokre få krokus også, men hovudsakleg påskeliljer av alle slag og fargar. (Nokon som vil ha....?) Årsaken til at dei er greve opp, ser du på bilda under.

Dette området vart først laga fordi eg har ein mann som er rå med motorisert hageutstyr. Han slår, kuttar og ryddar som ein tornado berre han får bruke noko som durar. Ergo fekk jo aldri dei stakars påskeliljene mine tid til å samle næring i lauken sin før han var ute med ljåen om våren....

Dermed kom ideen å gjerde dei inne, med eit lite fletta gjerde av hasselgreiner teke i hagen her. Ideen fekk eg vel i eit eller anna hageblad, tenker eg. Dette har fungert fint, men etter blomstringa har det blitt meir og meir syregras og skvallerkål som har boltra seg innanfor "murane". Nå som vi skal til å male huset, har det kome fram eit rimeleg stort behov for meir bedplass, jamfør krisesituasjonen i austveggen omtalt i eit tidlegare blogginlegg. Dermed gauv den hagegale laus. Eg har spadd, rista rottufser reine for jord og plukka blomsterlauk til eg var besvimelsen nær i dei om lag 30 varme gradene vi har hatt. Men SJÅ NÅ!

Eg er veldig fornøgd med meg sjølv, håper følelsen sit i lenge.... Har til og med laga ein liten sti tvers over, med duk under, og flate steinar som "heller". Eg fann til og med ei STOR rund, flat helle medan eg grov, som eg har plassert på midten. Eg har også lagt tjukke lag med våte aviser rundt det vesle plommetreet ("Herman"), og så kompost oppå der igjen, samt ein liten steinkant rundt for å halde ting på plass.

Ellers er det mykje som blomstrar nå, og eg fekk teke ein fotorunde i kveld, men dei bilda legg eg nok ut i morra. Eg ventar stadig på Iris ensata, er så spent! Da blir det garantert bilder, det lovar eg. Ha ei god natt alle saman

"Langt fremskreden latskap"

2009-06-26T20:12:00.003+02:00

I dag har det vore varmt her. Nærare 30 grader i skyggen, og det er overveldande for ein hutrande nordmann som har levd med 8-12 grader og regn i lengre tid. Eg blir utslått, kort og godt. Eg er nok ein genetisk sett fullt ut nordisk type, som er skapt for andre slags temperaturar enn dette. Likevel kreka eg meg ut i eit ugrasområde i dag tidleg, utrusta med spade og diverse bøtter. Saken er den at vi maler hus om dagen, og nå kryp malinga seg nærare og nærare austveggen "min" der amatør-gartneriet mitt held hus.... Det handlar om den tidlegare omskrevne "plantetrappa" mi, som er som Sareptas krukke: det minkar ALDRI på plantane same kor mykje eg plantar....

Heile austveggen på huset er katastrofeområde: dette er den mest vekkgøymda delen av tomta heldigvis, og her har eg alt det utstyret som høyrer med til aktiv haging: 10.000 tomme potter i absolutt ALLE storleikar, jordsekkar, spader, greip, kantklippar, potter med planter til herding, tomme potter som ventar på sommarblomster, aluminiumsbrett til å sette småpotter på når dei må vatnast frå botnen, saks, plantestøtter, hyssing, vasskanner, murarbøtter - ja du forstår sikkert teikninga! (manglar uthus!!). Oppi dette kaoset skal malaren (attpå til naboen) finne plassar å sette opp stigen! Dette er som de forstår grunnen til at ein i 30 grader må til å spa opp eit område som kan brukast til utplanting av diverse.

Området det er snakk om er inngjerda av ein bitteliten flettekant av kvistar/hasselgreiner, og oppi der har eg planta masse påskeliljer og snøklokker. Det er eit flott syn så lenge det blomstrar der borte, men når sesongen er over er det skvallerkålen som tek over. Skrekk og gru... Nå fekk eg snøya det rett før frøa var eit faktum, men var berre blomster enda heldigvis. Så måtte eg til å spa, og plukke laukar og legge i bøtte. Laukane skal nedi att til hausten. Eg tenker at dette kan bli eit fint område for venteplantar, sommarblomster til overs og snittblomster som det egentleg ikkje er plass til i kjøkkenhagen lenger. Eg har veldig lyst til å lage ein liten mur i bakkant, og kanskje ein gangsti på midten - har mykje halvstor stein eg kan bruke. Den treng kanskje litt sement innimellom, er ikkje heilt stor nok til tørrmur. Litt lenger opp i bakken har eg lyst til å mure låge murar og fylle med grus/jord, det skal bli krydderurt-bed.

Jo da. Planar har eg nok av. Nå får eg berre glede meg over at eg kom nesten halvvegs i spainga mi, og tanken på at prosjektet i alle fall er påbegynt. Mål nummer ein er uansett å få ein plass å gjere av alt som står i plantetrappa.....

Alliumbilde og iris med pene striper

2009-06-22T21:45:00.007+02:00

Den mystiske Alliumen i heilfigur. Ikkje noko fint bilde, vart teke i full fart. Den er atskilleg høgare enn 10 cm., kanskje 20-25?

Navnet mitt er Allium cyathophorum var. farreri

Her er bilde av den variegerte irisen Iris pseudacorus "Variegata", med blomst. Den er da fin? Eg synest den er enda meir variegert i år enn i fjor?, og har auka bra i omfang der den står i ventebedet.... Eg må ta meg saman og prøve å få planta ut litt meir. Såg at RandiF hadde sin ved ein mørkblada sak, det var veldig pent. Muleg den skal få vekse ved Sambucus nigra "Black Beauty". Der hadde den verkeleg lyst opp. Nå har eg kutta ned naboen (Kerria japonica) som var så stygg, rota skal eg spa opp ein dag eg er i humør til litt fysisk slit.... Da blir det fint plass til ein variegert Iris på utkikk etter ein permanent heim!

PS: Snuffeldyret fann meir info: HER.

Ser ut til at det har sneke seg inn ein n for mykje. Magnar Aspaker skriv f.eks. cyathophorum ser eg. Rettskriving er faktisk viktig, det....

Mystisk Allium....

2009-06-22T18:22:00.004+02:00

Alliumen i forrige innlegg har eg nå funne navnet på. På Langangen sine sider blir den beskreve slik:
"Allium cyanthophorum v. farreri
prydløk, 10cm, mørk lilla blomster, små hengende klokker"

Det var herifrå frøa kom i 06, og eg sådde mange slags Allium, men berre denne vart det noko av. Det rare er at eg ikkje finn særleg med info når eg Googlar på dette navnet?

Allium og Bowl of Beauty

2009-06-21T19:23:00.007+02:00

Ein liten tass som har lurt seg til å blomstre under ein peon i ventebedet. Sjølvsådd allium, som eg kvart år gløymer at eg har, men som eg blir veldig overraska og glad over å finne igjen. Lurer berre på kvar den har lyst til å vekse? Litt ille å la den vansmekte i ventebedet i år etter år, sår den er sååå fin!

I år har denne peonen, som heiter Bowl of Beauty trur eg, fire blomster, to i fjor! Spratt skikkeleg ut i dag, men bildet er frå 08.

Dagen har vore brukt i hagen. Har planta ut sommarblomster, rydda og prøvd å få tømt planterommet samt få det til å minke litt på alle pottene med diverse. Det er meldt fint, varmt vær, og da veit eg kven som blir gåande og vatne småpotter i timevis....

Har også laga ny porsjon med urtesalt. Denne gongen også innblanda nokre blad av ruccolaen som er fin og hausteklar. Må prøve å få ete den opp medan den er så fin, har ein lei tendens til å vente for lenge, og så blomstrar den plutseleg:-( Saltet står nå til tørk i den nye steikeovnen, med varmluft denne gongen. Har eg ikkje kome på før i dag.... Håper det går litt fortare da, for forrige porsjon brukte fleire dagar på tørkeprosessen.

Nå er eg varm i kjakane og på skuldrene, og ser at veslegutten har fått farge han også. Vi har nemleg hatt ein forsmak på sommaren i dag, med delvis sol. Nå som det blir varmare i været kjem det vel til å eksplodere med blomster: eg ventar på Iris ensata "Gracieuse", graslilja frå Hajal og to peonar med knuppar for første gong, mellom anna. Ha ei fin veke de og!

tagging forts....

2009-06-18T19:26:00.003+02:00

Grunna slurv frå mi side forsvann visst dei tre første spørsmåla i tagge-besvarelsen min i går. ja ja - får ta dei nå da:

Hva er du opptatt av for tiden? Hmmmm - trur eg er mest opptatt av å finne min "indre balanse". Prøver å ta meg sjølv mindre høgtideleg, og dei gode tinga i livet meir høgtideleg.... Hørtes det pretensiøst ut?? tja... Er i alle fall sant.

Hva har du på deg i dag? Dongeribukse, lillamønstrete skjorte og ballerinasko.

Hva skal du spise til middag? Å søren - i dag hadde vi restemat. Oppvarma laks frå forrige dagen, med mandelpoteter og ny kål.

Nå har eg fri i tre dagar, og er spent på været. Må prøve å få litt orden i plantekaoset ute. Skal jobbe iherdig med å kose meg, og ikkje ergre meg. Det er jo så fint ute nå! Juni er ein overjordisk vakker månad her på vestlandet. I dag kjørte eg tur/retur Stadt (Norges vestlegaste punkt), og det var som å kjøre gjennom eit fleire mil langt samanhengande blomsterbed!

Ha ein fin sommarkveld!

Iris ensata og tagging

2009-06-17T22:57:00.005+02:00

Har blitt tagga av hajal:

-Hva vil du gjerne lære deg? meir om støyping og muring

-Hva hører du på akkurat nå? ingen ting
-
Hvordan er ditt favorittvær? gjerne sol, men ikkje for varmt. Godt med ein og annan regndag innimellom da ein kan gjere det ein vil og ikkje treng å ha "dårlig samvittighet" for å være inne (miljøskadd etter 16 år som vestlending..)

-Hva er ditt mest utfordrende mål akkurat nå? å få ferdig stien og kanten langs den, bak garasjen, samt å få gjenomført nokre andre hageprosjekt som krever litt ekstra innsats

-Hva synes du om personen som har tagget deg? Harald er ein tvers gjennom snill og raus person, og han har enorme kunnskapar om plantar og haging! (og han er verkeleg ekte hagegal;-)

-Hvis du kunne fått et hus, ferdig innredet, hvor som helst i verden - hvor skulle det vært? i Portugal. Det er eit veldig spesielt land der ein kjenner seg heime som nordmann. Kanskje fordi dei også har ein liknande veslebrorposisjon i høve til Spania, som vi har til Sverige, samt er ein gamal sjøfartsnasjon som oss? Eg opplever at Portugisarane er åpne og rett fram. Det likar eg.

-Hva ville du gjerne hatt akkurat nå? nokre fridagar!

-Hva ville du gjerne bli kvitt? eg seier som Hajal: Skvallerkålen!

-Hvis du kunne dratt hvor som helst i verden den neste timen, hvor ville du dratt? England, kanskje Sissinghurst eller ein annan kjent hage?

-Hvilket språk vil du lære? Spansk.

-Hva ser du etter i en venn? ekthet, trufasthet og sans for humor.

-Hvem vil du gjerne møte? akkurat nå venninna mi som ligg på sjukehus. Ellers: Nelson Mandela.

-Hva slags musikk liker du? Eg likar rock, pop, jazz - til og med køntri og klassisk. Likar musikk som er ekte, som ikkje er for kommersiell og absolutt ikkje "klissete".

-Hva er favorittplagget i klesskapet ditt? hageantrekket! Gamal slitt dongeribukse og t-skjorte.

-Hva er drømmejobben? veit ikkje. Har ein bra jobb nå, men må bli flinkare til å jobbe sånn at eg har att litt energi etter jobben og....

-Har du noen favorittmodeller? hææ??

-Hvis du hadde hatt 1000 kroner nå, hva ville du brukt de på? sett dei på drivhuskontoen....

-Beskriv stilen din? hagestilen min er "kaotisk og frodig" Struktur finn du lite av i beda mine.... Ellers er stilen min muligens sporty, har i grunnen ikkje tenkt så mykje over det...

-Hva var det siste motebladet du leste? Teller KK som moteblad, så var det det.

-Den siste cd-en du kjøpte? Hugsar ikkje, trur det var Madrugada, men ergrar meg stadig over at eg har mista Timbuktu-CD-en min.

- Hva hørte du på da du ble tagget? ingen ting. Kanskje ein teiknefilmkanal som sto og gjalla for eg sjølv på TV-stua?

-Hva vil du akkurat nå? hente meg litt meir rødvin. Feirar at det endeleg følest som det er sommar, og at eg er frisk att etter ei veke med hangling!

Til slutt må eg berre melde ein gledeleg nyhet: det er 5 KNUPPAR PÅ IRIS ENSATA i år! Endeleg skal eg få sjå den nyyyydelege blomsten. Har venta på den i to år.
Formen er som sagt bra igjen, etter ein skikkeleg sovekur i går. Til saman eit par timar på sofaen i løpet av dagen, OG ei god natts søvn i tillegg gjorde susen. Det er godt, eg har masse som skulle vore gjort ute. I kveld har eg planta ut ein god del sommarblomster og anna, så nå kan regnet gjerne kome for meg.

Urtesalt 2009

2009-06-15T21:29:00.003+02:00

Aller først bilde av ein nydeleg Geranium som omsider har funne ut at den skal blomstre. I fjor hadde den berre blad. Eg har fått den av ei dame her på Eid, og den har enorme blomster, og ganske lodne blad. Veksten er pen, tueforma, om lag 40 cm. høg kanskje. Denne likar eg. Ein del andre Geraniar som er meir sprikete i veksten, samt legg seg ned, likar eg ikkje. Nokon som kan kome med eit tips om navn, kanskje?

I går laga eg urtesalt igjen. Prøvde med litt anna blandingsforhold i år, men er omlag det same eg hadde å putte oppi i fjor. Blir litt at "man tager hva man haver". Fekk det innfallet at eg skulle putte oppi eit par skvallerkålblad også. Ser på det som ei magisk handling, der eg fortærer den forhatte planta og håper det vil svekke veksten og gje frøa dårlege kår i året som kjem!!

2009-utgaven av urtesalt:
2 liter friske urter - forholdsvis tettpakka; mest av det første på lista, og gradvis mindre av det andre:
-oregano
-sitrontimian
-vanleg timian
-bjørnerot
-løpstikke
-basilicum
-persille
-graslauk
-salvie
-skvallerkål (!!, if you cant beat it, eat it!!)
-nokre blad hestemynte
-to vårlauk
-1 chili
-2-3 små godt modne tomatar
Kjør i matmølle til finhakka graut.
Ha i 2 dl. havsalt. Kjør litt til. Tørk på bakepapir. Kjør i matmølla igjen til pulver.

I dag er eg heime frå jobb. Er tufs, men har ingen diagnose. Nå ser det forresten ut til at eg må ein tur til Stryn likevel. Sukk....

Hippen Lemon Lime og litt til

2009-06-15T18:11:00.005+02:00

Primulablomstring i Rhododendronbedet, eller heller surjordsbedet, for det veks mykje anna enn Rhododendron der. Desse hugsar eg ikkje kvar kjem frå, men det må da vere Primula japonica?

Iris sibirica "Jewelled Crown" er i blomst nå, berre synd at Iris står så kort tid. Må nytast fullt ut.

Her er hippen "Lemon Lime", i alle fall var den døypt det i katalogen til Zimtrade. Den kom med ein overrraskande blomsterknupp i kjellervinduet, lenge etter at dei andre var ferdige for sesongen. Veldig koseleg, eg hadde savna den, men mista litt oversikten etter massakren her i vinter da eg kasta på dør fleire eg mistenkte for å ha midd. Fint at denne overlevde, den er litt annleis enn dei flete hippar, med sin grønnfarge med nokre raude striper i.

Ellers er formen laber for tida her i garden. Trur eg har noko slags bihulebetennelse på gang, utan at eg er sikker for det har eg berre hatt ein gong tidlegare. Har ein ekkel bomullsaktig følelse i hue, og er slapp som berre det. Nå er det godt at det roar seg på jobb snart. Når skuleferien byrjar er den vanlegvis fredelege dagar, da ein får tid til å puste og tenke, og til og med drikke kaffe og prate litt. I dag sat eg der berre på trass, men hadde ein avtale eg syntes eg måtte stille på. Var ein ting eg orka å drive med, og det var sletting og rydding i innboksen. Du verden så mykje gamalt som kunne slettast! Fann også igjen nokre sånne humoristiske som eg har fått tidlegare, eg lo så eg grein av ein med nokre kattar som hørte på musikk, og ulike pusar som digga ulike slags typar musikk alt etter kor lenge dei hadde vore i jobben.... Etter to år var det techno, og lite normalitet igjen..... Ja, ja. Nå ER det sommar, sjølv om fleecegenseren er i flittig bruk. Ha ein fiiiiin sommarkveld!

Prydgras og helichrysum

2009-06-12T19:12:00.003+02:00

Har fått pakke frå Håkon Vangsnes, og der fekk eg eit vanvittig flott prydgras: Elymus magellanicus. Er det ikkje fint? Er visst det blåaste av absolutt alle prydgras, tåler tørke, vinterfukt og kan stå urørt på plassen sin i mange år.

Ellers har eg bestilt både grå og limefarga Helichrysum, så nå skal det endeleg plantast sommarblomster i potter. Er verkeleg på tide. I tillegg fekk eg ein nydeleg lyseblå aurikkel, Kirengeshoma palmata og Bergenia "Bressingham white". Det vart ein dyr fornøyelse trass i rimelege planteprisar, for portoen utgjer ein del. Uansett er det verd det. Gleder som varer i mange år dette her!

Eg har også fått meg ein overraskelse inne: Hippen Lime Green har nå fått fire fine klokker, og pryder stuebordet.

Eg vil ha meir TID!

2009-06-03T21:16:00.006+02:00

Øverst til venstre ser de det japanske kirsebærtreet mitt i full blomst. Bildet er teke rett opp - altså eit "tak" fullt av fylte, rosa kirsebærblomster... Litt rart at det blomstrar så seint. Nå er jo alle andre kirsebærtre ferdige. Litt fint og da, så kan eg berre gå og glede meg til mitt kjem i blomst, medan eg ser på alle dei fine trea i andre sine hagar. Lurer på kva det heitte igjen, hadde eit japanskklingande navn. Etter litt googling kjem eg opp med "Kanzan", men eg er ikkje sikker.

Eg har også prøvd å forevige ein vellykka samplanting, men bildet vart teke i tungt gråvær og vart ikkje særleg bra. Den består uansett av ein Physocarpus "Diablo", to små rosespireaer som heiter Spirea bumalda "Goldflame". Dei flytta eg i fjor, og dei klarar seg kjempebra der i skråninga dei står nå, tørt og magert. Den tredje i selskapet er ein euphorbia griffithii "Fireglow". Den er knallfin i lag med det orangegylne spirealauvet, og nyydeleg med den mørke Physocarpusen bak. Hmm - kanskje det er håp for hagen min og... den er ellers mest prega av tilfeldigheter og rot.

Irisen over er enda ein av Nautesund-irisane som ikkje blomstra i fjor. Hugsar ingen av desse navna, men denne skal og må flyttast ut av eit katastrofeområde av eit bed der ugraset har teke overhand.

Denne sommaren skal viast OMPLANTING, og stiar i hagen. Skal ikkje kjøpe noko som helst nytt før eg har fått orden på det kaoset som rår i dag. Har plassproblem uansett kva eg gjer og kor mykje eg spar opp av bed. Det er planter på vent absolutt over alt det går an å sette ned noko. Det einaste eg skal unne meg (trur eg) er ein trepeon. Det VIL eg ha, og SKAL eg ha denne sesongen. Trur trepeonar er det penaste eg veit.

Til slutt kjem eit bilde av den komplette galskap. Det er (ein del av) plantesamlinga mi. Har sikkert dobbelt så mange potter som ikkje kom med på bildet! (Kvifor bildet absolutt ville ligge forstår eg ikkje, var akkurat inne for å rette det opp, men i mappa var det beint. Muleg det ser ørlitt ryddigare ut på denne måten?!) Uansett, noko av dette skal vekk snart, for Hagelaget har planteloppemarked på laurdag som kjem. Eg har skreve merkelappar og googla navn på harde livet i kveld. Syns leiaren i hagelaget får gå føre med eit godt eksempel og merke plantene sine skikkeleg, helst med BÅDE latinsk og norsk navn.

Nå skal eg pakke for to dagar på Sunnfjord hotell i Førde. Ha ein fin kveld alle andre hagegale der ute.

PS. Liten tilføyelse: clematis Hagley Hybrid spratt ut i dag 3. juni. Kva er det som foregår...?

Iris og løvetann i skjønn forening

2009-05-25T23:04:00.006+02:00

Her er ein Polemonium carneum "Apricot delight"

Ein Phlox divaricata "Clouds of perfume" blomstrar nå. Søt sak. (den blå) Blir frustrert over at bilda og teksten havnar hulter til bulter....

Iris kjøpt frå Nautesund for to år sia

Gudeblom - plutseleg var den berre der!

Driv med luking for tida. Ugraset veks som besatt, og eg innbiller meg at det er om lag 500 millionar fleire løvetannplanter i hagen i år enn i fjor.... Eg samlar frøstandar og kastar i bio-avfallet. Heldigvis er det også andre ting som veks og er frodige som de ser. Men eg har sååå mykje eg skulle ha spadd opp og renska, delt og flytta! Kunne sysselsatt ein gartner på heiltid. Må berre prøve å roe meg heilt ned og ta det etter kvart som eg har tid og ork. Nå regnar det i alle fall på grønnsaksfrøa mine - det er ein god ting;-)

Brune iris og brune snegler.....

2009-05-19T21:33:00.004+02:00

Denne fann eg ute i hagen nettopp. Først tenkte eg at det var ein svart skogsnegle, men den var oppi bedet, på ei plante, og den ar da mørkebrun, ikkje svart? Eg er livredd for at dette er starten på ein invasjon, har ikkje hatt mordersnegler til nå...... Den vart delt i to med hagesaksa, så eg håper det er ein "slemming". Eg tek nemleg ikkje livet av anna enn dei aller, aller verste kreka. Dei andre får leve her hos meg...

I dag oppdaga eg at ein navnlaus iris kjøpt frå nautesund for to år sidan endeleg blomstrar: søt er den da? Gjer ikkje så veldig mykje av seg der den står, men er sart og vakker på sitt vis. Tok inn ein bukett med nyutsprungne syrinar i dag. Det er av dei gamle, blålilla og kjem frå hagen til farmora mi. Koseleg lukt, som gir masse minner frå barndommen. Har tenkt på om eg også skal prøve å få tak ei eit rotskudd av ein kvit, gamaldags syrin frå Hadeland der mormora mi budde. Det hadde vore artig med ein frå kvar av bestemødrene sitt område. Syrin fanst jo i alle hagar før i tida, og eg tenker meg at den var noko alle jenter, damer og husmødre på landsbygda hadde eit forhold til. Syrinduft og forsommar, ahhhh!

Bestilling og rekordar

2009-05-18T22:17:00.010+02:00

Her er "skogsbedet" mitt. Det er faktisk oppi ei plantekasse, og har delvis blitt slik av seg sjølv. Eg har lagt mose oppi der, og så har eg planta litt Erica som først sto i potter til pynt ved gangdøra. Gaukesyra har slått rot heilt av seg sjølv, og så har nok stemorsblomnstene frå i fjor sådd seg sjølv... Eg synest det er flott, og er faktisk dekorativt året rundt med minimalt med stell.

Vårgyvelen min den 16. mai: Den er diiiiger, og flott. Eg er veldig glad i den, men må nok klippe den ned og flytte den snart. Står ein plass det skal lagast mur og trapp opp til garasjeloftet. Dessutan luktar den så enormt sterkt og intenst (godt, forsåvidt), men noko overveldande. Nå står den rett ved der vi går inn til huset, og rett ved uteplassen. Nærbilde av dei fine tulipanane mine, men kva var navnet igjen nå da? Her er dei nevnte tulipanane i bedet i lag med knall orange tulipanar som nå er nesten avblomstra. At det var knallgul Gullkorg i same bedet hadde eg gløymt, og blå perleblomster! Vi satsar på kraftfull fargebruk her hos meg. Muleg eg kjem til å flytte Gullkorga.... Endeleg blomst på Barlow-akeleiene! Sjølsådde, og skulle liksom ha blomstra i fjor sommar? Kjøkkenhagen etter omorganiseringa. Rododendron-bedet mitt! Dette er eit rotebed utan like, og sjølv om eg likar både litt kaos og tilfeldighetenes spill, så er dette litt too much! Her skal det ryddast, eg driv og planlegg eit primula-bed på nedsida av huset. Einaste aberet er at eg da ikkje får sjå primulablomstringa frå kjøkkenvinduet:-( -og kvar kom den eine orange tulipanen frå?? Euphorbia, men kva for ein. Eg er rett og slett forelska i denne....

Der greide eg å slette "rosinen i pølsa": Acer shirasawanum "Aureum": Måneskinnslønn. Det er praktbusken i hagen for tida. Den er eg så indeleg glad for at eg fekk tak i, og den ser eg frå kjøkkenvinduet heldigvis. Lastar opp på nytt:

Cephalaria gigantea blir faktisk gigantiske i år! Plantene er to år gamle, og var store og flotte i fjor, men i ÅR:

Har også bestilt følgande i kveld:

Primula x pubescens (blue). Aurikkel.
Kirengeshoma palmata. Voksklokke.

Bergenia "Bressingham White" Bergblom
Elymus magellanicus.

I tillegg prøver eg å få Håkon Vangsnes på Nautesund til å sende meg Helichrysum petiolare (grå og lime) i posten sjølv om det er sommarblomster, og han vanlegvis ikkje sender det. Hååååper det går i orden, dei er så vanvittig fine!

Ja, det skjer mykje for tida, ikkje minst er det høgsesong for konfirmasjonar! Eg er glad det ikkje er like hektisk kvar vår, neste år blir det meir tid til hagen;-)

Nå blomstrar også syrinen og alliumen (purple sensation). Det ER den 18. mai i dag, som alle veit. Kvar skal dette ende....

Kjøkkenhage-innsats

2009-05-15T14:40:00.005+02:00

I dag har eg sådd følgande i kjøkkenhagen:
Spinat
Rødbeter
Ruccola

Til snitt:
Calendula mørk orange, fylt. (Seemnemaailm)
Calendula "Triangle flashback"
Calendula "Pink surprise"
Godetia "Rembrandt"
Lupinus aridus "Summer spires"
Gilia "Twilight"

Inne har eg broccoli, salat og mais til spiring, men anar at det skal bli vanskeleg å finne plass til alt. Går det an å selge maisplanter på planteloppemarkedet tru??

Ellers er eg så smått i gang med å dekke med aviser og bork i gangane i kjøkkenhagen. Er eit stort arbeid å kome rundt, men da er det gjort for nokre år framover. Eg er impulsiv og kjem derfor ofte på at eg skulle ha gjort ting på ein annan måte, eller vil endre litt, utvide etc. Da kan eg berre omorganisere bed og senger utan at eg grev meg på duk, faste kantar eller andre hindringar. Aviser med borkdekke fungerer veldig bra for meg. Det går sakte i oppløysing, men nokre år greier det å halde ugraset i sjakk. Eg lagar juksebed på den måten også, når eg ikkje orkar å spa seig torv. Meitemarken hjelper meg, og etter eit par år er det laus, fin jord under. Sjølvsagt berre der det er steinfritt, dei må fjernast på gamlemåten sjølvsagt.

Ha ei fin helg, og ein flott 17. mai!!

Har sådd og planta i kjøkkenhagen

2009-05-14T22:49:00.003+02:00

Må lage ei lita liste her, ellers går det i gløymeboka:

Gulrot "Nantes 2" (midterste rad)
Gulrot "Samurai" (øvste rad)
Gulrot "Dragon" (nederste rad)
Sukkerert "Oregon Sugar Pod"

Planta ut:
Purre "Blaugrüner Winther" (sådd inne)
Purre frå Seemnemaailm (sådd inne)
Kepalauk (sådd inne)
"Stor lauk" frå Seemnemaailm (sådd inne)

Samt nokre ufo-potter med diverse laukvekster: vårlauk og allium fistulosum? Mista lappane sine da plastdrivhuset for med vinden.....

Møkkhenting og andre oppløftande hendingar

2009-05-10T21:17:00.004+02:00

Har denne helga henta eit hengarlass med den finaste, svarte og formulda hestemøkk du kan tenke deg. Eg hadde fått lovnad på møkk hos ei eg kjenner i Hennebygda, og fekk i går med meg mannen på den betingelsen at han skulle sleppe å ha nærkontakt med materien. Han stilte opp som sjåfør, løftemannskap og sekkeleverandør (sekker bereikna på brukte ventilasjonsfilter er perfekte til å frakte møkk i!) Møkka var truleg eit år gamal, og hadde vore oppbevart under tak. Eg fekk også med meg ein sekk med hønemøkk. Den er fersk, og bør vel brukast med måte, da den sikkert er sterk? Hestemøkka var luktaus omtrent, og hadde same konsistens som sånn kukompost du kjøper i sekker. Nå skal det da bli fart på grønnsaksdyrkinga mi tenker eg!

Ellers har eg endeleg fått somla meg til å plante om agurkplantene mine, og ei av tomatplantene. Mannen min monterte eit lysrør under det dørbladet eg har som benk på eine veggen i planterommet. Nå blir det lys i to etasjer der inne, og plass til litt meir. Eg slit med plassmangel for tida, og blir nesten motlaus over kor mange slag sommarblomster og grønnsaker eg hadde tenkt å forkultivere, men som eg ikkje har plass til! I morra må eg få tak i rør, og så er det klart for ompotting av dei siste tomatane også. Agurkplantene mine er ganske små, for dei har stått for lenge i 7 cm. potter, likevel blomstrar dei! Nå skal dei få betre stell, eg lovar.

I dag har eg endeleg byrja på den møysommeleg prosessen å spa opp, dele, flytte og ikkje minst SORTERE stauder! Med sortere meiner eg ta stilling til kven som skal stå i lag, kva som blir fint, kva som blomstrar når og med kva slags farge etc. Til nå har eg berre stappa ting i jorda for å sjå korleis dei vart..... Å du og du for ein jobb for meg som ikkje er så planmessig av meg, og som likar alle slags plantar i alle slags fargar... Må vere enklare for dei som konsekvent ikkje skaffar seg noko anna enn rosa/burgunder/kvitt, og resolutt lar alt gult og orange vandre til det hinsidige (=komposten). (eeehhhhm; eg dristar meg også til å seie: kjedelegare......hysssj...).

Det eg gjekk laus på aller først var to store røtter med hagemarikåpe (Alchemilla mollis). Alt i fjor såg eg at dei var nær ved å kvele den eine peonen min. Peon likar ikkje andre vekster over seg. Røttene var store, og begge vart delt i fire med sag! Eg planta fem langs den komande hagegangen min, under rododendronen. Dei tre siste også langs hagegangen, men litt lenger bort. Det løsna også fleire rosettar med rotanlegg, og dei planta eg i potter til bruk på planteloppemarknaden til hagelaget. Dette er i alle fall ei plante eg ville ønska meg til hagen min om eg hadde ny hage, eller berre ikkje hadde den frå før. Fortrenger elegant skvallerkål og innpåslitne grasrøtter!

Eg har også starta anlegginga av eit "kvitt bed" under syrinen, i den våte delen av hagen. Hit flytta eg nokre kvite kuleprimula (Primula denticulata), to kvite japanprimula (Primula japonica), ein hosta med kvite kantar på blada (vart delt, viste seg at den var direkte enorm under jorda, kjemperot!!), ein nusseleg sak som eg trur heiter "knollhestehavre"?? (Arrhenatherum bulbosum variegatum). Den skal like skygge, men eg er usikker på kor fuktig den vil ha det. Vel, vi får sjå. Det går som oftast betre enn ein trur, mange planter som har ord på seg for å ville ha det slik eller slik, kan også klare seg fint om dei ikkje har det heilt optimalt. Så gauv eg laus på ein sjølvsådd fjellflokk (Polemonium). Den stod håplaus feilplassert i fjor sommar, men blomstra og blomstra og blomstra så fint! Eg orka ikkje gå laus på det stoooore puslespelet da, så nå tok eg altså sjansen på å spa den opp sjølv om den stod med knuppar. Da ser eg i det minste forskjell på dei blå og dei kvite, for eg ville ha berre kvite i det kvite bedet mitt sjølvsagt! Følte meg ein smule brutal, for den var slett ikkje lett å dele på ein "human" måte. Til slutt fekk eg laus tre kvite og sette i det som sagt fuktige bedet. At eg innbiller meg at Fjellflokk vil ha det litt tørt lot eg som eg gløymte. Den blir fin der, om den berre ikkje tok skade av herjinga mi i dag. Dei "kvite duppene" skal også dit, men den tør eg ikkje røre før den er avblomstra. Nå står den så fin i ein ventekarm og blomstrar. Søt!

Så kom eg på at eg skal flytte Brunnera "Looking glass" ned dit, Den blir nå litt svidd av sola der den står, og eg ser for meg at den blir kjempefin med reint kvite-og-grønne omgivnader. Dessverre trur eg nok at eg får litt lappeteppe-effekt i dette bedet også, som vanleg. Trur nå eg har forstått at fleire plantar av same sort er lurt.... men det er så vanskeleg å velge vekk nokon!! Plasskrevande å vere estetikar dessverre.

Eg har også omnsider fått dekt med aviser under den tredje søtmispelen oppe ved kjøkkenhagen, og dekt med bork. Nå ser det ryddig og fint ut, og eg håper veldig at dei skyt i været i år. Dei skal bli 2-3 meter står det på lappen, men til nå har dei berre kome seg om lag ein meter over bakken. Dei står rett nok på ein litt skrinn plass, men eg trur ikkje dette er busker som stiller så store krav. Den som har stått med kveke heilt innpå seg var uansett minst, men han fekk ei nistepakke av hestemøkk med seg under avisdekket. Sommaren 2009 kan berre kome.

Neste punkt på "hastelista" er å ordne kjøkkenhagen, og så grave ned slange så eg får vatna der oppe. Det er ein stooor jobb, for eg skal grave opp ein del torv, få ned møkka, og lage gangar med aviser/bork. Heldigvis er det meldt fint vær uti veka. Berre så fortærande med 17. mai midt oppi alt saman, og så ein søndag!

Uansett: ønsker dei få som har orka å lese heilt hit ei flott veke...

Her går det unna, altså....

2009-05-01T08:19:00.008+02:00

Mange etterlengta spirer kjem opp, og nokre ein ville vore glad for å sleppe å sjå...... Må likevel seie at ved hjelp av Roundup har eg fått rimeleg kontroll på dei to verste områda i hagen, og det er eg glad for. Gjer den store forskjellen - sarte lundhagevekster i kamp med skvallerkål er ikkje noko vakkert syn:-(

Kerria japonica - Soleiebusk? Blir ikkje enig med meg sjølv om eg likar veksten på den eller ikkje, men kvar vår er eg veldig enig med meg sjølv om at eg likar blomstene!

Det spirer i gamle potter også! Sølvlind? hmm - må google.

Eit av mine kjære, små valnøttre med nye, flotte skudd. Skal felle ein diger lønn slik at denne får ein bra plass, men det blir først når mannen med dei motoriserte reiskapane får tid/lyst etc....

Sanguinaria canadensis, enkel, - Blodrot. Veks i lundhagen, og er eit av årets overraskingar for alzheimer-gartnaren!

Låge, blå lungeurt er trufaste, og som alltid perfekt selskap for dei gule påskeliljene!

Frittilaria pallidiflora frå Europris kjem att i år også! Stolt av den...

I lundhagen veks denne Helleborusen, men navnet... Uansett er den så ekstremt flott og blomsterrik, og fargen er så frisk og fin, samt at den høver godt saman med den mørke Helleborusen den står i lag med. Håper dei blir meir omfangsrike begge to, kunne godt ha planta dei tettare i lag. Eg forstår ikkje heilt at dei blomstrar så voldsomt nå, da eg hører andre seie at dei er ferdige for året- men eg er glad til eg!

Vart planta i fjor, og denne er kjempefin! Eg har hatt eit litt anstrengt forhold til den kraftigare, knallrosa søstera, men denne blyge, kvitrosa skapningen med søte små og smale blad er berre bedårande. Så var det navnet da..... Bergenia (Bergblom) dette er "Bressingham White". Lekker!

My favourite! Påskeliljene som heiter "Thalia". Dei er såååå fine!

Rhododendron "Blueshine girl", har fine blomster i tillegg til nydelege, blåaktige skudd! Spesiell dame dette her.

I år kom Darmera peltata (skjoldsildre) endeleg med blomster. I fjor oppdaga eg at den hadde overlevd, men fekk berre blad. Har planta den på ein problemplass som ofte er overrisla av vatn i lange perioder om vinteren og når vi har regnsommar. Tenkte denne skulle tåle det, som er ei slags sumpplante. Det gjer den nok, men etter at den kom i jorda har det ikkje vore så veldig mykje regn.... Likevel har den kome igjen, flotte knuppar, bildet vart teke onsdag, og i dag blomstrar den i vilden sky.

I dag har eg oppdaga at eit nokolunde lokalt gartneri har oppe, og dei lokkar med mange godbitar om ein kjem tidleg.... Trur eg skal ha meg ein tur ja!

Magnolia og morellblomstring

2009-04-29T22:37:00.005+02:00

Det skjer så mykje for tida! Eg rekk knapt å følge med på alt, det dukkar opp gamle kjenningar og nokre nye over alt ute.

Her er eit par av dei skikkeleg vår-aktige, som liksom symboliserer årstida: den eine er relativt ny, planta av meg, og gir meg kvart år nesten eit grøss av fryd over at noko såå pent og eksotisk vil vekse og blomstre i MIN hage; magnoliaen min: Leonard Messel.

Den andre er skikkeleg gamal (morelltreet), og det var i hagen frå før vi kjøpte huset. Nå er det fullt av lav og mose på stamme og greiner. Det syng kanskje på (nest)siste verset, men er skrekkeleg sjarmerande, og lagar tak over lundhagen min. Eg er glad i det treet!

Skal legge ut fleire bilder i morra;-)

Vår-overrasking

2009-04-19T16:58:00.001+02:00

Har nettopp oppdaga at eg har sanguinaria canadensis i hagen min... Den hadde eg gløymt at eg hadde planta!!

Drivhusdraumen lever

2009-03-30T17:46:00.004+02:00

Eg seier berre: svenskeimport må da lønne seg veldig for tida..... (og eg har fått att på skatten!!!)

Sjekk ut

http://www.willabgarden.se

Grøne gleder i overflod

2009-03-28T18:07:00.006+01:00

Har litt dårlig samvittighet for at eg har vore så dårleg til å legge ut hippebilder i år. Det handlar mest om at eg fekk ein skikkeleg nedtur da eg oppdaga midd (trur eg) på ca. ein tredjedel av hippene mine i vinter. Eg kasta dei angrepne rett på dør, og nå ser det ut til at resten er friske. Dei veks og trivst i alle fall, og det gjorde slett ikkje dei som var sjuke. Nokre har blomstra, sjølv om eg nok kasta ut i minusgradene mange med knuppar som ikkje hadde kome fram enda. Sukk... Nyttar ikkje å gråte over spilt melk, heiter det. Får heller glede meg over at dei som er att ser friske ut, og at det nå neeesten er plass til alle i kjellerstua.... Denne raude var fin, og er ein eg fekk frå Eurobulb i fjor, men navnet har eg visst gløymt.

Ellers har det vore pilflettekurs i regi av Eid hagelag i dag, og det fortsetter i morra. Eg tok nokre bilder, men dei vart ikkje så bra. Det viste seg at det sat ein liten papirbit på linsa! Uansett får de eit visst inntrykk av prosessen. Eg deltok berre som kaffekokar denne gongen, men muleg det blir fleire kurs? Kunne heller tenkt meg eit støypekurs. Å lage ting i betong til å ha ute, verkar meir nyttig synest eg... Muleg er er litt kjedeleg av meg?

Så tok eg meg ein tur på planterommet for å prikle litt: Som de ser kjem det til å bli nok Tagetes tenuifolia og Nicotiana "Lime Green" på meg i år... Har frå før prikla 55 Nemesia, og alle overlever?! Merkeleg at eg sleit så vanvittig med desse i fjor, da daua alle saman. Verkar som om det er kvalitetsforskjell på frøa?

Her ser de den voldsomme spiringa i Nicotiana-pottene:

Nicotiana "Lime Green" står for tur for prikling.... Det er sjølvhausta frø, og spireprosenten må ha vore nær 120%. Har aldri sett på maken til grønn, kompakt "plen". Sådde jo litt tett, da eg ikkje var sikker på spireevna.... (ha ha).

Eg har tenkt å prakke på nokre av kursdeltakarane overskuddsplanter i morra, har heldigvis fått signal om at fleire er interessert. Da slepp eg å kaste dei, eller kanskje måtte flytte på hotell...?

Tomat "Silvery fir tree" og Tomat "Sub arctic plenty" fekk også kvar sine potter. Her hadde eg gamle frø, og sådde fire frø av kvar sort. Trur du ikkje samtlige spirte, og eg har fire kraftige planter av kvar sort! Litt i meste laget for meg som ikkje har drivhus, og i grunnen ikkje nokon egna plass å ha dei. Kanskje mannen min skal få snekre eit enkelt plasthus ute. Det hadde jo vore styggeleg moro å fått til tomatar for aller første gong i sitt liv.

Akkurat nå er det snø ute, men det har vore bart lenge og truleg forsvinn snøen att raskt. Heldigvis tåler alle laukvekstene litt kulde. Eg hugsa heldigvis på å sette kassene med staudefrø ut under åpen himmel, for dei var temmeleg tørre.

Da må alle ha ein fin laurdagskveld!

Klokkeranke

2009-03-24T21:21:00.003+01:00

Har sådd klokkeranke - Cobaea. Putta lke godt i jorda alle frøa eg hadde liggande, dei hadde begynt å bli litt gamle. Nå får vi sjå om det blir jungel her i år! Det var både blå og kvite. Dette blir spennande!

Ellers har eg oppdaga at eg må prikle nemesiaen enkeltvis, og ikkje dottevis som eg i min optimisme såg for meg. Kanskje det blir massedød som blir resultatet, da er det jo godt at eg har rikeleg å ta av.... Overlever dei har eg nemesia å gje bort. Det er jo koseleg!

I kveld har eg snakka med ei dame på Stårheim som hagelaget skal ha hagevandring hos i mai. Ho var veldig positiv, og ville gjerne ha ein gjeng med hagetullingar tråkkande rundt mellom bed og buskvekster. Eg gleder meg til hagevandringane denne sesongen. Det var så moro i fjor, det er veldig inspirerande å sjå andre sine hagar. Trur dette blir eit fint hageår:-)

PS: har prøveprikla 24 nemesiaspirer. 18 hippebabyar fekk ein brå overgang til sommartemperatur; dei måtte opp i stua for å gje plass til nykomarane på planterommet. Er spent på kor stor overlevingsprosenten på nemesiaene blir. Skal sjekke dei i morra tidleg!

Mandag og gråvær

2009-03-16T22:12:00.008+01:00

Det vart berre den eine juvelen av ein soldag i helga. Vi får smøre oss med tålmodighet og vente på at det slår til igjen... Er rart med det: etter mørketida så har sola ein spesiell betydning. Den gir så masse energi og ikkje minst glede. Er også energigivande og ekstremt gledesfylt å sjå alle dei friske skudda på veg opp, men det skreiv eg visst om i forrige innlegg og. Skal gi meg nå...

I kveld har eg vore på spinning, og det gjorde godt. Prøver å få det til eit par gonger i veka. Kan komme godt med å ha litt kondis når grave-sesongen startar for full igjen! Eg sådde litt i går også, men det aller meste er sett ut. I kveld skal eg så bladpersille og svartkål. Persilla er jo treig, så den må såast nå, men eg innbiller meg at den kålen og bør i jorda snart? Har lese det ein eller annan plass.... Det er "Nero di Toscana", og eg har aldri prøvd den før. Den ser flott ut på bilder, da.

Sålista ser sånn ut denne gongen:

Agastache "Apache sunset" (Unwins) - ute

Anchusa italica "Dropmore" (Impecta) - ute
Brassica "Nero di Toscana" (Primafrø) - inne
Dianthus superbus - silkenellik (Seemnemaailm) - ute
Lysimachia atropurpurea (Th&M) - inne, skulle ha over 20 grader for å spire?
Polemonium pauciflorum (Primafrø) (æh, har eg sådd den før i år?) - ute
Petroselinum crispum "Gigante d`Italia" (Impecta) - inne

Eg har tre fulle grønnsakskasser med potter ståande ute nå, og er spent som ein unge på spiringa utover våren! Håper veldig at eg får spirer av dei ferske martagonlilje-frøa mine. Kvite!!

Impatiens-plantene som vart så omsorgsfulle prikla har overlevd alle saman. Dei ser faktisk bortimot fornøgde ut der dei står på kjøkkenbenken, på "gromplassen" under lyset. Tenk om det blir blomster på dei til slutt! Føles som noko nær eit under...

Det er også framleis liv i Nemesiaspirene. Dei tør eg knapt puste på, men dei er altså i ferd med å få skikkelege blad nå, så dette ser lovande ut! Eg er glad!

Livskvaliteten min aukar merkbart frå mars og framover, det er sikkert. Eg er så glad eg er hagegal!

Ein fantastisk fin soldag i hagen

2009-03-14T18:30:00.003+01:00

I dag har vi hatt eit vær som gir ny energi, og bevis for at "nytt liv av daude gror", som det heiter i sangen. Eg har rydda i bed, spadd om komposten og kikka på spirer i heile dag. Tempeltreet mitt (Gingko biloba) har overlevd sin andre vinter ute nedgravd i potte, og eg er happy!

Eg har også sådd meir denne veka: desse pottene vart endeleg sett ut i dag. Hadde sikkert vore lurare å sette dei rett ut i og med at dei ikkje treng kuldebehandling. Det innsåg eg først etter at dei hadde fått nokre dagar på badet. Håper dei ikkje er i gang med spiring heilt enda.

Digitalis purpurea "Pams choice" (Mr. Fothergills)
Digitalis hybrida "Camelot cream"
Dianthus "Rainbow loveliness mixed" (Th&M)
Codonopsis pilosula
Scabiosa "Beaujolais bonnets"

Eg har nå våga meg til å prikle mine fire (!!!!) Impatiens-spirer. Det er nokre pingleplanter, som eg har irritert meg kraftig over i vår. Eg sit att med fire spirer som sagt, etter å ha sådd tre posar med frø. Det var til slutt Brødrene Nelson-frø (Mix) som slo til. Dei andre spirte, men stagnerte i veksten. Har opplevd akkurat det same med ein pose petuniafrø også. Lurer nå på om det kan handle om dårleg kvalitet på frøa? Er da rart at ting spirer, og så skjer det ikkje meir. Andre plantar sådd under nøyaktig same tilhøva veks og blir til planter... Eg veit ikkje, men det er surt.

Alt i alt har dette vore ein herleg dag, og nå skal eg prøve å ta meg litt av dei som er inne i huset....

"Kven er eg?" - dykk i frøboksen

2009-03-11T21:31:00.003+01:00

Eg har masse frø. Ikkje alle eg hugsar at eg har bestilt, og kvifor.... Her er eit lite utvalg:

Echium plantagineum "Pink bedder"
Echium russicum
Molinia arundinacea
Phacelia
Lilium pyreniacum
Helianthemum nummularium "Mutabile"

Prøver å få sådd mest muleg i år. Går det så går det, trur mange må settast ut for spiring etter naturmetoden. Har ikkje plass inne, sjølv om "alle" utanlandske frøposar har påtrykt oppskrifta: "spirer ved ca. 20 grader, og ved jevn fuktighet". Når er det stabilt 20 grader ute her på vestlandet? - eg berre spør. Muleg dei har såpass til overlevingsinstinkt at dei tek til takke med temperaturar som stadig svingar mellom 6 og 20 grader - i beste fall! Under plantelyset mitt blir det i alle fall trongt om saligheta snart.

Såing i vilden sky......

2009-03-09T22:55:00.004+01:00

Nå er det unntakstilstand her. Har rigga meg til med voksduk på spisebordet, og har klarert plass til pellisar og etter kvart agurk og tomat i stueglaset. I helga fekk eg skifta jord på pellisane, dei er faktisk i god vekst alt på grunn av plantelyset. Frodige og tette og fine... Håper på litt meir blomster på dei i år, i fjor fekk eg ikkje til ting som eg ellers meiner eg har dreisen på. Anar ikkje kva det kom av - kanskje eg hadde for mange å passe på?

Eg har luseinvasjon på planterommet, og det har byrja å bekymre meg litt. Det er granatepletreet som er syndaren, og den har smitta fleire fucksiaer og til og med Appleblossom rosebud (pellis)! Dei går det vanlegvis ikkje så lett lus på, men desse er aggressive! Hadde ikkje rødsprit, men det skal eg få tak i i morra. Spraya i stden med grønnsåpevatn med salmiakk i. Håper eg ikkje tok for mykje.... Har putta Provado for bladlus i pottene, men det ser ikkje ut til å affisere beista. Skal nok klare å ta dei, men er redd for at småplantene blir smitta, det er det ikkje sikkert dei tåler.

Ellers har eg sådd meir i kveld: har litt dilla for tida. Sit på jobb og lengtar etter å kome heim og få sådd meir.

Her er dagens frø-i-jord:

GRØNNSAKER/URTER
Basilicum "Yiotis" (Primafrø)
Basilicum "Ararat" (Primafrø)
Allium tuberosum (kinesisk graslauk, Primafrø)
Allium cepa (vårlauk, Th&M)
Allium fistulosum (pipelauk, Lene i Fredrikstad. Sådd før, men kvar blei den av?)
Allium/purre "Blaugruner winter" (Primafrø) Har sådd før, men dårleg spiring! Er dei så treige?

SOMMARBLOMSTER
Rudbeckia hirta "Golden brown" (Unwins, også sådd før men med dårleg spiring)
Phlox drummondii "Twinkle stars" (Gamle frø, Unwins)
Phlox drummondii "Tapestry" (Mr. Fothergills)

Har enda masse frø igjen, mellom anna sånt som skal såast rett ut og nokre som det er for tidleg å så enda. Det er også nokre stauder som eg trur det er greit å la spire inne og sette rett ut, evt. la spire ute når det blir varmare i lufta. Dette gjeld f.eks. mimulus og valmuer, samt ein malvasort (lommefrø). Veit ikkje om eg har rett, men har rett og slett ikkje plass til meir inne nå!

Det er lysare ute, og eg merkar det med ein gong på overskuddet. Kjenner meg nesten energisk innimellom. Har dessverre ein mann som hanglar, han er overarbeidd og stressa, og blir derfor forkjøla i eitt kjør. Håper han kjem seg snart, både for hans del og fordi eg har eit visst håp om at han skal orke å få gjort litt av alt utearbeidet som vart sett på vent sist sommar - på grunn av jobben hans.

Nå må eg vel snart legge meg. Sjekkar spirer på badet kvar morgon, og i dag hadde Diasciaen spirt! (Men har eg blitt velsigna med Blodbegerspirer??? neeei - Har sådd to gonger, og frø frå to ulike leverandørar)

Så-feber

2009-03-08T14:53:00.003+01:00

SOMMARBLOMSTER
Calandrinia "Rock Purslane"
Nicotiana "Lime"
Tanacetum ptarmicaeflorum
Tagetes tenuifolia MIX:
-"Ursula Golden Yellow"
-Lemon Star"
Tagetes "Favourite Red"

STAUDER
Campanula thyrsoides
Ruellia humilis
Meconopsis "Burgundy"

Frø i jorda i dag også

2009-03-05T22:50:00.003+01:00

Har sådd i kveld:

Verbena (navnlaus)
Alcea filicifolia "Antwerp mixed" (rustresistent, frå Th&M!)
Salvia pratensis "Rose Rhapsody"

Det spirer som eit uvær i Nemesiapottene! Har erfart at dei spirene berre plutseleg dauar, så nå tør eg knapt flytte pottene. Dei spirte på planterommet, og eg har berre teke av dei den svarte plasten (mørkespirande) og senka lysarmaturen litt. Nå held eg pusten....

Har sådd masse (eg og vil prikle snart!)

2009-03-02T23:47:00.000+01:00

Har sådd litt igjen, men har att masse frø fortsatt. Det monnar liksom ikkje?

Februar 09:

Tomat "Silvery fir tree"
Tomat "Sub arctic plenty"
Agurk "Zeina"
Agurk "Bush champion"
Lauk, stor (Seemnemaailm)
Purre (Seemnemaailm)

Antirrhinum "Madame butterfly"
Orlaya grandiflora
Nemesia "Carnival"
Clarkia (for tidleg...)
Rudbeckia "Golden brown"

Polemonium pauciflorum "Silver leaf form" (er sett ut)

Mars 09
Antirrhinum "White spire"
Antirrhinum "Rose princess"
Verbena "Sandy mix"
Diascia "Trio"

Purre "Blaugruner winter"
Piri piri (bærpepper) 2. gong. Første såing spirte dårleg.

Ellers kjøpte eg meg ein lysegul Clivia på plantasjen i Ålesund i helga. Den eg hadde sådd sjølv døde dessverre. Det var ein lærepenge med omsyn til at dei tåler dårleg å stå i vatn. Denne sto i ei potte utan oasis under slik eg brukar, men eg har berre vatna den når den har vore tørr oppå jorda. Likevel har røttene stått nok våte til å råtne. Slike småplanter er sjølvsagt meir sensitive enn store og veletablerte da. Uansett: nå har eg ein stor gul, dessverre navnlaus, med masse knuppar.

Eg handla i lag med svigerdottera til mannen min, og ho fekk seg også ein clivia, men orange. Eg forklarte så godt eg kunne korleis den skal stellast, og ho verka absolutt interessert. Dei har ei einaste potteplante i huset frå før, så nå har dei auka bestanden bra..... (eg hjalp jo til med å potte om den andre, så dette blir spennande. Greier eg å "omvende" henne til å bli hagegal...??)

Nå har eg ein følelse av at det hadde vore lurt å legge seg snart, med tanke på at eg har skumle (!) planar om å kome meg på jobb i skikkeleg tid i morra.

Ha ei god natt!

Tirsdag med ny farge, pluss Basilicumspirer:-)

2009-02-24T09:21:00.003+01:00

Har nå prøvesmakt litt på tirsdagen, etter blåmandagen, og merkar at fargen heldigvis er annleis i dag. Den gjekk meir over mot lysegrønn da eg oppdaga spirer i potta med Basilicumfrø på badet i dag. Bra!! Eg skal så meir snart, er vel på tide med ein del sommarblomster nå. Teller på knappa om eg skal så tomat og agurk, for eg har egentlig ikkje nokon plass å ha dei. Vestlandssommaren er ofte kald og våt, og det trivst dei ikkje med. Kanskje om eg bruker det store stuevinduet mot sør, men da må persienna vere nede heile sommaren, eller så blir dei svidd av sola. Må tenke meir!

Vi ønske alle dei gode vennene mine ein flott tirsdag også, og seie takk for omtanken i går. (*klem*)

Blåmandag

2009-02-23T22:10:00.002+01:00

Hørte på radioen i dag at det er dette som er den opprinnelege blåmandagen. Nå kan det jo ligge så mange slags tydingar i det, men eg er deppa i dag, så det høver ypperleg å oppfatte denne dagen som blå. Muligens blågrå, dyster og tung....

Kva er det som gjer at enkelte dagar berre er ufyselege? Denne gongen har eg ingen ting å skulde på heller - alt er liksom berre "feil". Det er så vanskeleg å godta seg sjølv av og til, og da leitar ein etter bevis på at ein er så håplaus som ein føler seg. Små ting blir stooooore....... Hendingar og ting folk seier blir granska og vridd og vrengt, så ein er sikker på å få med seg absolutt alt negativt innhald som på nokon måte kunne ha vore i det, og litt til - langt inn i det absurde!!!

Nå skulle eg ønske eg kunne legge meg og sove heilt til i morra, og at eg vakna til ein flott dag med sol og berre hyggelege folk! Merkeleg kor stor vekt ein legg på dei små, dumme tinga, og kor liten vekt ein greier å legge på alt det som verkeleg er BRA. Tull alt saman, eg veit det innerst inne, men eg greier ikkje å FØLE det akkurat nå.

Trur jammen eg går og legg meg og les litt, og håper at tirsdagen har ein annan farge.

Staudeinspirasjon!

2009-02-20T12:25:00.005+01:00

Magnar var i Stryn kulturhus i går og snakka om stauder. Det var eit inspirerande foredrag han holdt, og eg innsåg at staudene hans ikkje berre er "raritetar", men også veldig vakre... mange av dei da. Eg er av det slaget som ikkje greier å opparbeide stor entusiasme berre fordi ei plante er skjelden, den MÅ vere pen og. Han viste veldig mange bilder av fantastiske skjønnheter, hardføre, og mange lette å så! Trur eg må prøve meg på litt spesielle staudefrø etter kvart. I år er det nok for seint, men neste år kanskje? Eg håper eg får ein betre staudesesong i år enn eg hadde i fjor, merkeleg at eg lykkast så bra første året eg sådde, men ikkje året etter. Eg trur eg må melde meg inn i STA og.... Høres ut til at ein kan få tak i mykje spennande der. Nye hagevyer dukkar opp!

Inspirert av Magnar har eg sådd meir stauder i dag. Eg trur ikkje dette er sånne som må ha ein lang kuldeperiode for å spire. Her er lista:

STAUDER
Campanula alliarifolia
Campanula lactiflora
Coreopsis grandiflora "Early sunrise" (Harryford, frøboksen i fjor)
Iris, låg (sjølvhausta frø 07, etter blomstring...)
Liatris spicata "Floristan white" (prøver igjen)
Liatris scariosa "Gracious"
Primula florindae
Salvia glutinosa (sådd i lauvjord frå lundhagen, etter anvisning på pakka)
Sedum "Turkish delight" (Th&M)

ANDRE
Anthriscus sylvestris "Rawenswing" (skal ut, treng stratifisering)
Basilicum (Seemnemaailm)
Gaura lindheimerii
Kepaløk "Stuttgarter riesen"
Purre (Seemnemaailm)

Eg har ikkje heilt peiling på lauk og purresåing, men meiner å hugse at folk sår dei inne tidleg? Ikkje veit eg om lauk kan priklast heller. Det får gå som det går, dette har eg aldr gjort før. Planen er at kjøkkenhagen skal utvidast i år, og eg vil prøve nye slag. Har fått lovnad på noko møkk frå eit småbruk, så eg håper energien held seg oppe så eg får gjort alt eg har lyst til!

I dag skal vi feire barnebarnet til mannen min som er 1 år, og her i området er det starten på vinterferien nå. Eg skal jobbe mandag og tirsdag, så skal eg ha fri. Det er litt synd at det fine vinterværet har forsvunne. Vi hadde sol og snø aldri så lenge, og eg kom inn i ein illusjon om at når var det "vinter", og at den skulle vare til "våren" - ha ha!!

Vestlandsnaturen mixar årstider som det høver, og det uforutsigbare er det forutsigbare;-) Dermed er det nå "vår", med snøklokkeblomstring, gåsungar og hasselblomstring som snart er over. Eg har blanda følelsar, der er jo godt med vår også. Samtidig kjenner eg at eg har ikkje fått gått nok på ski.

Må til slutt nevne at Charisma (hippeastrum) blomstrar, men berre med to klokker på stengelen. Litt ergeleg. I fjor var den ny, og blomstra sååå fint. Eg har også fått blomst på Exotic Star, den liknar veldig på Papilio, som ikkje har teikn til knupp enda. Calimero og Rozetta er nesten i farta, Rozetta hadde kvileår i fjor, men eg hugsar den som ein av dei finaste fylte. Den har faktisk fire klokker, men det skulle berre mangle. Eg må skjerpe meg på hippestellet utover sommaren, i fjor vart dei ståande inne for lenge, og da fekk dei ikkje nok gjødsel. Skal legge ut bilder av dei som blomstrar seinare.
Ha ein fin fredag, og helg, alle saman!

Blodbeger II

2009-02-19T08:55:00.004+01:00

I går fekk eg blodbeger-frø frå New Dawn, og i dag vart dei sådd. Nå er eg spent på korleis dette går!

Ellers går livet sin gang. Eg har att nokre månader av spesialist-permisjonen min,og lurer på å jobbe fullt i mars og april og heller ta ut meir fri i mai og juni. Nokon som kan gjette kva eg skal da?

Eg har sådd meir Impatiens, nå har eg opplevd at tre-fire spirer skaut i været med lynets hastighet, medan resten av gjengen spirer i det snegletempoet eg ar vant med frå den kanten. Denne gongen lar eg dei berre stå der på kjøkkenet, delvis og laust innhylla i plast slik at det ikkje skal kome trekk på dei. Eg ser på dei fleire gonger om dagen da, men det teller vel ikkje som dilling?? Blodbegerpottene står også der, denne gongen prøver eg med lys OG varme frå første stund. Ny frøleverandør denne gongen, eg har eit visst håp.

Eg har så lyst på litt energisk veksing og frodighet nå! Så langt har det vore mest slappe spirer og spiredød... Æsj! Nokre luringar veks heldigvis: butikk-chilien er prikleklar. Piri-piri-plantene (Impecta) står i stampe. Eg trudde dei skulle oppføre seg omtrent som chili, men nei.

Uansett blir det ein hyggeleg kveld for ElinG og meg: vi skal til Stryn kulturhus og høyre på Magnar Aspaker. Det gleder eg meg til!

Staudesåing og vellykka hagelagsmøte

2009-02-15T14:23:00.004+01:00

Siste veka har eg sådd følgande:

Aquilegia "Green Apples" (plant world seeds)
Aquilegia "Spring Magic"
Aquilegia "Clematiflora" (Plant world seeds)
Auriklar mix (Hajal)
Corthusa matthiola (Snuffeldyret, forrige frøboks)
Delphinium blå?(frø frå hage i Gausdal)
Helleborus mix (Hajal, såmøtet 12.02.)
Lavatera thuringiaca (Impecta)
Linaria purpurea "Canon J. Went" (Impecta)
Luzula nivea (Impecta)
Meconopsis horridula (Langangen)
Nepeta fassenii (Snuffeldyret, forrige frøboks)
Nigella "Oxford blue"
Verbascum "Southern Charm" (Impecta)
Viola pedatifida (hajal, forrige frøboks)

Hagelagsmøtet sist torsdag hadde som tema "Såing av stauder og sommarblomster", og Hajal hadde med seg potter og jord, samt sjølvhausta frø og demonstrerte og fortalte korleis han sår stauder og set ut til stratifisering. Det var ikkje så kollossalt mange frammøtte, men vi var ca. 12 til saman. Det var ein grei størrelse på forsamlinga for å stille spørsmål og diskutere tema som dukka opp. Sommarblomstene fekk vi ikkje snakka så mykje om, men eg hadde "heldigvis" nokre totalt mislykka forsøk på å så Impatiens og Lobelia å vise til, og hadde samla opp mange amatør-spørsmål til den/dei med ekspertise på dette temaet. Eg vart ikkje så mykje klokare må eg innrømme. Konklusjonen deira var at "du dillar for mykje!" OK, så har eg sådd nye Impatiensfrø, og lar dei spire der dei andre spirte (det fungerte i alle fall). Nå gjer eg ikkje meir enn å vatne ei stund, så får det gå som det går. Er det for mykje "dilling" som er problemet, så går det kanskje nå da??

Siste Blodbeger-tips var at dei vil ha LYS (det også...), så eg får sjå om eg gidd å flytte dei irriterande pottene frå badegolvet og under lys ein plass. Har lyst til å kyle dei ut snart, i rein frustrasjon. Set min lit til dei "snille" plantene eg brukar å få til, og ventar på å få fylle planterommet med kjekke små sommarblomstspirer som veks og likar seg. Det er koseleg det....

Ellers reiser ElinG og eg til Stryn på torsdag for å høyre og sjå Magnar Aspaker sitt foredrag om såing av stauder og dyrking i ophøyde bed. Det gleder eg meg veldig til. Nå skal vi snart hente "knotten" hos bestemor og bestefar. Han har overnatta, og føler seg veldig stor og flink, og antyda at han ville ligge der ei natt til. Vi får sjå korleis det ligg an i dag...

Det spirer omsider på badet

2009-02-10T23:12:00.003+01:00

I dag fann eg endeleg nokre små spirer i ei av pottene med Verbena bonariensis, og noko eg trur er ei spire i den eine petunia-potta. Da er ikkje frøa forheksa av ei slem antihageheks eller noko slikt, som er nesten hadde byrja å tru.... Men blodbegerpottene er golde og utan liv framleis.

Har ei lusebefengt, så vidt levande overvintringsplante av sistnevnte i kjellaren. Kanskje det blir den som blir redningen? Kan ein ta stikling av den tru? Det meiner eg at eg har lese ein plass. Odla.nu-frøa har eg enda ikkje fått, dei vart bestilt for nøyaktig ein månad sidan. Grrr!

Kunstig vår på badegolvet og hippeblomstring omsider

2009-02-07T11:33:00.008+01:00

Her er ein ukjent rosa hipp som endeleg har kome i blomst. Den har mista navnelappen sin i sommar, men eg lurer på om det er ein som opprineleg var merka "rosa", kort og godt. Det er muleg at ekspertar som Sigrid klarer å finne navn på den, men uansett er den fin! Eg er glad i dei enkle, og rosafargen med det grønne i midten er liksom så vårleg og uskuldig. Ei fin oppmuntring akkurat nå, når spireprosjekta mine går så som så...

Her er den same rosa hippen med dagens utetilhøve i bakgrunnen. Godt det er ei glasrute mellom.... "Hipp i vinterlandskap" kunne høve som tittel. Den står sjølvsagt på kjøkkenbordet, for eg vil kunne sjå på den så ofte som muleg!

De hugsar kanskje at eg har hatt midd-angrep på hippelaukane mine? Eg har nå kvitta meg med 8 stykk som er kasta, og hadde eit lønnleg håp om at resten er friske. Så såg eg litt meir nøye etter på denne "cluster"-hippen som var kjøpt frå Eurobulb og skulle ha vore raud: Den er som de ser kvit, og har nydelege, liljeaktige enkle blomster. Eg er så glad i denne, men oppdaga ei raud stripe på eit av blada. I dag skal eg ta den ut av potta og dele den opp, den består av mange laukar nemleg. Tek vare på dei som ser friske ut og kastar den dårlege. Så kryssar eg fingrane for at det går bra!

I dag vart fleire frøpotter plassert på badet; desse kjem frå ein kunstig vinter i køleskapet til ein kunstig vår på badegolvet: Verbena bonariensis og Thalictrum rochebrunianum. Dei siste kunne eg sikkert ha sådd og sett ut, og det skal eg gjere med resten av frøa. Saken er at eg har prøvd det før utan resultat, så nå tenkte eg at eg skulle ha meir kontroll over desse etterlengta spirene med å gjere det slik. Dei skal få stå på planterommet til det blir vår ute, i kamp med tagetes og andre sommerblomster. Eg VIL ha sånne i hagen............!!!!!!

Desperat såing - nytt forsøk på Flittiglise

2009-02-04T22:55:00.009+01:00

Spirene av Impatiens som eg sådde 10. januar står berre der framleis. ("Picotee swirl" og "Expo"). Nokre få spirer med "frøhatt" på hue, ingen blad. Står bom stille, ingen ting skjer.... Eg har heller ikkje fått spiring på blodbegerfrøa som står på badegolvet, oppi ein sånn plastboks med lokk og hjul, under plast. dei vart sådd 20. januar. Har ikkje gitt opp heilt enda. Ei heller er det spirer i pelargonium peltatum "Summer showers mix"-potta.... Lobeliaspirene ("White lady" og "Ruby cascade") ser ufriske ut, bortsett frå nokre heilt få i eit par av pottene. Kva gjer eg feil? Er rett og slett deppa her.

Derfor har eg sådd nye frø i kveld, med stoooort håp om at det går betre nå.

Har sådd i kveld:
Impatiens "Safari"
Impatiens "White candy"
Petunia "Fantasy pink morn"

Kryssar det meste i håp om betre hell denne gongen.

"Mappe 6" - hæææ?

2009-01-25T21:50:00.014+01:00

"Digital skoeske" kalte Harryford det han har, same systemet her i huset.... Ikkje lett å finne ut kva som vart "bilde 6 i mappe 6" her nei... Tillot meg å hoppe over atskillege bilbilder, dei er ikkje mine og da teller dei truleg ikkje.

Bilde seks, i mappe seks, sånn cirka: teke 15. august 2007, nedanfor huset vårt. Trur det er Nicotiana "Lemon Tree" (i tilfelle fått av ElinG), vanleg rosa haustfloks som var i hagen da vi kjøpte huset, og ei solsikke av frø frå fuglebrettet. I bakgrunnen ser de "Isbenken", som er fin å ete is på i fint vær, under den digre oppstamma, kristtornen. Ved sida av veks "Bronseblad" som eg fått frå mor mi sin hage.

Utfordringa går vidare til:

Primula
Annsi
Orchis
Røsslyng

Var ikkje råd å finne fleire som ikkje alt har fått utfordringa, så langt eg klarte å finne ut. Hadde fleire på lista, men...

-men berre om de orkar og har lyst da! Ikkje føl noko press. Evt. går det kanskje an å finne fram bilde 7 i mappe 7...??

SOL!!!!!!!

2009-01-25T12:30:00.003+01:00

SOL inn gjennom stuevinduet i dag!!!

Åååååh så herleg. Ha ein fin søndag alle saman, nå skal eg på skitur.

Sommarminner

2009-01-24T20:38:00.003+01:00

Formen er ikkje 100% her i dag. Sjølvforskyldt denne gongen. Ikkje snakk om å få gjort noko vetugt, så det blir mykje sofa, hageblad og PC... Forfriskane og oppmuntrande å sjå på bilder frå juni/juli i fjor.

Endeleg hippeblomst å vise fram

2009-01-23T10:05:00.011+01:00

Nå har omsider Macarena starta blomstringa: Den er fin, har ein laaang stilk, og ikkje blad. Lauken kjøpte eg på Bystasjonen i Bergen i november. Den har stått i kjøleg planterom i fleire veker på grunn av at vi var på Tenerife før jul, men det fungerte bra.

Kjøpte meg ein ny Clivia da eg var i Stryn tirsdag. Den kosta 136 på Coop, og da måtte eg ha den. Tanken var at eg skulle gje den til mor mi, som ikkje har clivia frå før, men etter kvart har eg meir lyst til å ha den på kontoret.... Fin kontorplante i og med at dei tåler tørr luft og skjelden vatning. Eg får sjå, det kan hende det blir dårleg med blomster på kontoret i og med at den vil ha ein kjølegare periode akkurat som hippeastrum. Uansett: eg likar så veldig godt den "mjuke" orange fargen på den vanlege miniataen. Nyyydeleg!

Her ser de eit bilde som viser den flotte, orange fargen på cliviaen. Ikkje noko godt bilde, men fargen kjem fram. Eg tok også med eit bilde av den einaste variegerte cliviaen eg har. I fjor kjøpte eg frø frå Kina, og fleire skulle vere variegerte. Ein var truleg albino, så den døde da næringa i frøet var brukt opp. Den var nyydeleg, lys grønngul; men utan klorofyll - intet liv! Sånn er det i planteverda.... Den eg har att er eg veldig redd for og stolt av. Nå har den fått kome frå planterommet og opp i stua. Den får litt ekstra lys, ellers tenker eg at når februar kjem blir det så mykje naturleg dagslys at eg kan få dei til å vekse litt med å byrje gjødslinga så smått. Må vel nytte sesongen så godt ein kan for å få litt størrelse på desse småtassane. Da blir dei meir robuste og eg slepp å oppleve at dei stryk med, det er så utruleg irriterande. Eg hadde nesten greid å ta livet av ei anna clivia-frøplante med å la den stå i vatn for lenge. Den var i ferd med å råtne i rota, men eg fjerne det verste og sette den ned i jorda igjen og ga den rekonvalesens på planterommet og minimalt med vatn. Har eit visst håp om at den klarar seg, det var heldigvis små rotanlegg på undersida. Det var endatil "Butterball", den einaste gule eg har! Spørsmålet er berre når eg får sjå blomsten...? Får trøste meg med at det blir andre blomster å kose seg med mens eg ventar.....

Purrefrøa som fekk meg ut på galeien igjen

2009-01-22T18:37:00.003+01:00

Skulle jo berre bestille meg litt purrefrø eg da - for det såg så fristande ut å prøve når MariannS hadde fått så fine purrer.... Primafrø har heldigvis billege frø, men det vart nok litt meir enn purrefrø:

Linaria maroccana 'Fairy Bouquet Mix'
Galega officinalis 'Alba'
Penstemon digitalis 'Husker red'
Bellis perennis 'Pomponette mix'
Lathyrus odoratus 'Juanita'
Tropaeolum minus 'Peach Melba'
Tropaeolum minus 'Salmon baby'
Helianthus annuus 'Bismarckianus', Høj solsikke
Cuphea lanceolata 'Purple attraction'
Hyssopus officinalis, Isop
Coriandrum sativum, Koriander
Grønkål (Palmekål) 'Nero di Toscana'
Kepaløg 'Stuttgarter riesen'
Porre 'Blaugrüner Winter'

Ellers har eg fått spirer i potta med gamle chilifrø, har lagt piri piri-frø i bløyt, og har sådd Oleander (nerium) i dag.

PS: spirene med Impatiens lever faktisk enda, og spirene i Lobeliapottene ser også ut til å vekse og trivast. Eg held pusten.....

Cherie er eit surrehue....

2009-01-21T22:18:00.008+01:00

Eg har fått ein award som eg ikkje har nevnt i bloggen min: RandiF ga meg den. Tusen takk, Randi!! (Som sagt: eigaren av denne bloggen er dessverre eit surrehue). Fordi det nå er så mange som har fått denne prisen, lar eg den gå vidare "i ånden" til alle bloggarar som kikkar innom her hos meg. De har fortent den alle saman.

“Denne bloggen investerer i og tror på NÆRHET- nærhet i rom, tid og forhold! Disse bloggerne er usedvanlig sjarmerende og søte, og formålet er å finne og å være venner. De er ikke opptatt av utmerkelser og selvhevdelse. Vårt håp er at når båndene på disse utmerkelser er kuttet, vil enda flere vennskap ha forplantet seg. Vær vennlig å gi litt ekstra oppmerksomhet til disse! Gi denne utmerkelsen til åtte bloggere, som igjen må velge seg åtte nye. Inkluder denne teksten på utmerkelsen deres”.

I dag tok eg med meg surrehuet mitt til den nye fastlegen min, og ba om hjelp. Fastlegen, som er ny for meg, var ei "blottande ung" dame med stavangerdialekt, som viste med mimikk og kroppsspråk at ho nok ikkje har tenkt å ha den rolla så skrekkeleg mykje lenger. Bra ein ikkje er avhengig av å gå til legen ofte, eller er avhengig av oppfølging frå nokon som faktisk føler eit ansvar for korleis det går med deg. Det eksisterer ei oppfatning av at fastlegen bør føle eit visst ansvar og ha omsorg for oss.... Det er nok ikkje ofte det er slik, er mi erfaring. I jobben min ser eg sjelden legar, faste eller andre som orkar/vil/greier å henge på mentalt i høve til behandling, vurdering og generell oppfølging. Trur nok det handlar mest om tid og kapasitet. Eg veit sjølv at det går ei grense for kor mange ein kan "romme", eller ha med seg i tankane. Blir det for fullt, dett nokon ut. Sånn er det.

Nå skriv eg meg vekk her, dette vart mykje filosofering om ingen ting. Eg er egentleg frisk, men slit med mangel på energi, og nå i det siste vondt i huet og nakken, samt øresus... Det eg ba om i dag, og fekk, var ei tilvising til fysioterapeut med utdanning innanfor psykomotorisk behandling. Så spørs det når eg kan få time der da, ho sa det var fullt til over sommarferien....

Så ser det ut til at "Så-møtet" vi har planlagt i hagelaget i februar ikkje kan haldast i det lokalet vi hadde tenkt. I morra må eg på jakt etter egna lokale som ikkje er for dyrt... Vi har eit styremedlem ved navn Harald, også kjent som Hajal, som skal snakke litt om såing av stauder, så det blir eit interessant møte... Ei av dei andre medlemmene skal ta for seg såing av sommarblomster, og vi skal ta kopi av sommarblomsttabellen frå Hagegal og dele ut hadde vi tenkt. Håper den ikkje er beskytta av ein eller annan opphavsrett...

Da er det sikkert på tide å seie god natt.

Innlegg i det blå....

2009-01-20T23:05:00.004+01:00

Har ingen ting å skrive om egentlig, anna enn at eg har gløymt å skrive tidlegare at eg også har sådd

Verbena bonariensis (Kjempeverbena)

Thalictrum rochebrunianum og

Rhodochiton atrosanguineum (Blodbeger)

Verbena- og Thalictrumpottene sette eg i kjølesapet (i kjelleren...) etter to dagar på badegolvet. Blodbeger står fortsatt på badegolvet. Tenkte at det var større sjanse for god spiring om dei fekk seg ein liten vinter først. Veit ikkje om eg har rett. Tek dei fram om eit par tre veker.

Ellers har eg berre lyst til å sjå på bilder frå hagen min og drøyme om våren...

Bloggprisar og staudesåing

2009-01-18T22:05:00.013+01:00

Eg har fått bloggprisar av både ToneM og Orchis nyleg. TUSEN TAKK BEGGE TO!

Denne prisen fekk eg av ToneM, og den koselege bloggen hennar; Mitt lille rom, finn du HER.

"Reglane" som følger med denne prisen er desse:
1. Vinneren kan kopiere denne logoen til hans/hennes side.
2. Lag en link til han/henne du fikk awarden fra.
3. Nominer minst 7 andre blogger.
4. Lag linker til disse bloggene på bloggen din.
5. Legg igjen en beskjed på bloggene til de nominerte.

Nå er det slik at omlag alle bloggarar eg kjenner har fått prisen, derfor velger eg å la den gå vidare til alle gode bloggvenner som les dette!

Orchis ga meg denne prisen.

“Denne bloggen investerer i og tror på NÆRHET- nærhet i rom, tid og forhold! Disse bloggerne er usedvanlig sjarmerende og søte, og formålet er å finne og å være venner. De er ikke opptatt av utmerkelser og selvhevdelse. Vårt håp er at når båndene på disse utmerkelser er kuttet, vil enda flere vennskap ha forplantet seg. Vær vennlig å gi litt ekstra oppmerksomhet til disse! Gi denne utmerkelsen til åtte bloggere, som igjen må velge seg åtte nye. Inkluder denne teksten på utmerkelsen deres”.
I og med at eg har fått denne prisen før, velger eg å ikkje plukke ut 8 nye denne gongen.

Hans blogg handlar om haging i Algarve i Portugal, og er veldig eksotisk og interessant, ikkje minst for oss nordbuarar. (Dessutan skriv du knakande godt Orchis, og har imponerande mykje plantekunnskap!) Du finn den HER.

Ellers har det vore ei fredeleg helg med middagsbesøk av besteforeldre i dag. Eg har sådd litt, og det gjorde godt... Er omtrent same følelsen som å sette pengar i banken: godt å vite at ein har hyggelege og morosame ting i vente, ei investering på en måte! (Kanskje det blir nokre skuffelsar og, men det treng vi ikkje bekymre oss over i januar, eller...?)Lista er som følger:

Arenaria montana
Asclepias incarnata
Astrantia major "Ruby wedding series"
Butomus umbellatus
Clematis recta
Delphinium "Blue fountains"
Papaver orientale "Carneum"
Tiarella polyphylla

Ønsker alle ei fin veke!

Meir frøbestilling (frå Estland)

2009-01-15T08:40:00.006+01:00

Basilikum Basiilik SEVERNOE SIJANIE (Virmaline)
Mais F1 Slivochny Nektar
Nepe Mai Rõigas Üheaastane salatisibul Globa (Lauk)
Purre Porrulauk Karantanski
Salat Geizer
Eruca sativa Vill ruccola, trur eg... Põld-võõrkapsas (rukola laialehine)
Rødbeter Punapeet "Detroitskaja Kruglaja" ("Detroiti Ümmargune")
Allium nutans Longus lauk ''Lider''
Calendula officinalis Saialill harilik SOLNCE EGIPTA double red with black centre
Impatiens walleriana Sultan-lemmalts Baby (segu)

Estlands "svar på Impecta" er Seemnemaailm.

Frøbestilling

2009-01-13T19:15:00.007+01:00

Driv og puslar med litt frøbestilling for tida..... Blir svenske navn her da, orkar ikkje oversette akkurat nå. Irriterande at dei ikkje kan bruke latin i tillegg, da hadde det liksom ikkje vore tvil.

Odla.nu
Aklejruta (rosa)
Atlasblomma 'Rembrandt'
Fingerborgsblomma 'Pams Choice'
Luktärt 'Collection'
Ringblomma 'Triangle Flashback'
Sommarflox 'Tapestry'
Törnrosas kjortel 'Purple Bell Vine'

Impecta
Daucus carota L. 'Nantes 2'
Portulaca oleracea v. sativa 'Gul'
Portulaca oleracea v. sativa 'Grön'
Pisum sativum L. 'Oregon Sugar Pod'
Brassica oleracea L. 'Pentland Brig'
Capsicum baccatum 'Peri Peri'
Nerium oleander
Luzula nivea
Linaria purpurea 'Canon J. Went'
Lavatera thuringiaca
Tagetes patula 'Favourite Red'
Petunia hybrida milliflora F1 'Fantasy Pink Morn'
Lupinus aridus 'Summer Spires'
Bonusfrø: Convolvulus tricolor 'Blue Ensign'

Eg har skumle planar om å forandre og utvide kjøkkenhagen min i år. Eg grublar og tenker, og veg fram og tilbake på om eg kjem til å greie å halde eit større område enn eg har i dag i orden. Ein faktor som MÅ på plass for at dette skal bli vellykka er vatn. Eg må rett og slett grave ned ein solid vasslange frå krana og opp i kjøkkenhagen, som ligg "på toppen" av min bratte hage. Er eit slit å bære vatn i kanner opp dit som eg har gjort til nå, eller rettare sagt så har eg ståande ei murarbalje der oppe som eg fyller med hageslangen, og så vatnar eg med kanne frå den. Den står akkurat der som slangen ikkje rekk lenger, sjølvsagt ikkje heilt oppe.... Eg har og tenkt å fjerne eller kanskje flytte pallekarmane mine litt, og så lage til eit så stort område som muleg med åpen jord, der eg kan organisere beda akkurat som eg vil kvar sesong. Det krever berre at eg får disiplinert meg til å skyfle over kantar og gangar ofte nok til å halde ugraset nokolunde i sjakk. Greier eg det da tru?? Har lyst til å prøve, og kanskje blir det meir moro når eg slepp å sjå på at plantane tørkar vekk. Til og med her på vestlandet kan det bli tørke, faktisk. Har også tilgang på møkk, fekk eit tilbod seinast i dag. Eg trur det kan trengast ein del av det slaget, har tru på at litt gjødsel og jordforbetring vil gjere susen! "Drømmen om kjøkkenhagen" svever som de forstår rundt i hovudet på meg om dagen....

Her er den store steinen og benken ved kjøkkenhagen, som i dag består av fire pallekarmar og ei lita bot i tillegg der eg har hatt sånne sukkerertstativ av bambus som de ser på bildet. Bak steinen er det ein smal sti, og eit langt "karmbed" langs gjerdet. Det har vore brukt mest til ventebed til nå, men når eg får gjort alvor av planane om nye bed lenger ned i hagen, går eg ut frå at eg får plassert det meste der. Da tenkte eg det kanskje kunne høve med kryddervekster og snittblomster i dette bedet. Fint å sitte på benken og nyte synet av ein velstelt kjøkkenhage, det er berre ikkje så ofte eg har hatt gleda av det til nå dessverre. Men til sommaren, DA!

Har starta såinga

2009-01-10T15:29:00.008+01:00

Har sådd i dag:

Impatiens "Picotee Swirl" (finn ikkje bilde på nettet)
Impatiens "Expo"
Lilium martagon - kvit (skal settast ut)

Har lagt i bløyt frø av:

Pelargonium "Summer showers mix" (sår i morra)

Tilføyelse:

Lobelia "White lady"

Lobelia "Ruby cascade"

Bloggpris

2009-01-08T19:33:00.018+01:00

Medan eg var på ferie på Tenerife i desember i fjor vart eg gjort oppmerksom på at bloggen min var funne verdig ein PRIS. Det var Røsslyng som ga meg den, og teksten som er begrunnelsen for prisen er som følger:

"Denne bloggen investerer i og tror på NÆRHET- nærhet i rom, tid og forhold! Disse bloggerne er usedvanlig sjarmerende og søte, og formålet er å finne og å være venner. De er ikke opptatt av utmerkelser og selvhevdelse. Vårt håp er at når båndene på disse utmerkelser er kuttet, vil enda flere vennskap ha forplantet seg. Vær vennlig å gi litt ekstra oppmerksomhet til disse! Gi denne utmerkelsen til åtte bloggere, som igjen må velge seg åtte nye. Inkluder denne teksten på utmerkelsen deres".

Det er litt flaut å ha somla så lenge før eg fekk ført denne tråden vidare, men endeleg er eg på sporet. Det handlar ikkje om at eg ikkje er takknemleg, Røsslyng, så langt ifrå. Eg er skikkeleg stolt og glad! Kanskje det handlar litt om at ein først blir veldig glad og stolt, men så kjenner litt på at det der med premiar og utmerkelsar er så uendeleg fjernt frå min kvardagslege blogg, som mest berre handlar om nokre av dei bagatellane og småtinga som utgjer livet mitt. Eg trivst med å legge prestisje-lista på nullpunktet, og skrive i veg om alt strev og snubling livet mitt fører med seg, men og gleden over både dei uviktige og viktige tinga, kanskje helst det første. Uansett: premieteksten handlar jo om nettopp det. Det å gå på idealtid, og ikkje for å kome først i mål! Å kome i mål, det er ikkje så stas egentlig. Det beste i livet er å vere i det medan ein har det, meiner nå eg...

Mine kandidatar for pristildeling er desse (prøver å unngå at alt for mange får for andre gong, men det er vanskeleg etter kvart, ikkje har eg full oversikt heller):

Randines hageblogg (Randine)
Sunnmørshage (Mariann S)
Olines byhage (Oline)
Eling`s hobbyblogg (Elin)
Hajals hagegalskap på Nordåker (Hajal)
Harryfords Hage og Husdagbok (Harryford)
Mitt lille rom (Tonemeia)
Omkalfatret (Solfrid)

"Gla i dokke.....!!!!"

Sommarblomstfrø

2009-01-08T19:27:00.001+01:00

SOMMARBLOMSTFRØ beholdning januar 2009

Anthriscus sylvestris “Rawenswing”
Antirrhinum majus maximum “Brighton rock”
Antirrhinum majus maximum “Madame butterfly”
Antirrhinum majus maximum “Rose princess”
Antirrhinum majus maximum “White spire”
Asperula odorata “Blue mist”
Bupleurum rotundifolium “Green gold”
Calendula (diverse mix)
Callistephus chinensis “Carpet ball mixed”
Chrysanthemum carinatum “Polar star”
Clarkia amoena “Unwins taffeta”
Cobaea scandens
Cosmos bipinnatus ”Candy stripe”
Cosmos bipinnatus “Sensation”
Cosmos bipinnatus “Daydream”
Cosmos sulphurous “Millennium”
Delphinium “Gentian blue”
Dianthus chinensis “Gaiety”
Diascia barberae “Trio”
Euphorbia marginata
Euphorbia marginata ”Kilimanjaro”
Gaillardia pulchella “Pantomime mixed”
Gilia tricolour “Twilight”
Humulus japonicus
Impatiens hybrida “Expo”
Impatiens hybrida “Picotee swirl”
Laurentia axillaris “Blue stars”
Linum grandiflorum “Charmer”
Lobelia erinus “White Lady”
Lobelia erinus “Ruby cascade”
Malope frifida “White queen”
Nemesia strumosa “Carnival”
Nicotiana “Lime” (egne)
Nicotiana “Lime” (kjøpt)
Orlaya grandiflora
Pelargonium “Summer showers mixed”
Phlox drummondii “Twinkle stars”
Rudbeckia hirta “Golden brown”
Rudbeckia hirta “Aslan”
Rudbeckia “Moreno”
Salvia viridis “Claryssima”
Tagetes tenuifolia “Ursula yellow gold”
Tagetes tenuifolia “Lemon gem” (gamle)
Tagetes tenuifolia “Lemon star”
Thunbergia alata “Salmon shades”
Tanacetum ptarmikaeflorum “Silver feather”
Verbena hybrida “Sandy mixed”
Verbena (?)
Verbena bonariensis

Treng kanskje ikkje kjøpe så veldig mange nye i år??

Hippe-lengsel i mørkaste januar

2009-01-06T21:42:00.005+01:00

Bilder frå Pakistan, der hippene kan bu ute heile året. Eg har ikkje vore der, anna enn i ånden
Syns mine veks sååå sakte i år, og gjekk derfor til det skritt å regelrett stjele to bilder frå ein kar i Pakistan som har mange fordelar eg ikkje har. (Beklager, Brigarif) Sjekk dette forumet om du vil sjå fine bilder!

Har forresten prøvd å sjekke det der med om Orange Souvereign også finst i ein raud utgåve, og da berre heiter Souvereign. Har ikkje funne den i Veronica M.Read-boka, heller ikkje på nettet så langt. Finn berre "spor etter" Orange S, som eg oppfattar som temmeleg orange. Merkeleg..... Det er forresten ein farge ein ikkje kan få nok av i mørke januar.....

GODT NYTTÅR

2008-12-31T14:23:00.004+01:00

Da har vi altså kome til siste dagen i dette året. Det gode med det er at vi får eit nytt, fint år i presang, som vi kan bruke til nesten det vi vil! Her har vi sett på pinnekjøttet til damping, og den gode lukta er nok til å sette alle vestlendingar i godt humør og slå an ein munter og forventningsfull tone i heimen!

Eg har planar om å feire nyttår heime med familien i ro og fred, og har liggande nokre filmar om det skulle bli bruk for litt anna underhaldning enn den som er på fjernsynet. Veslegutten må vel legge seg, og dei store forsvinn nok ut av huset så fort ribba er fortært.

Ute er det lett regn i dag, men det hindrar vel ikkje ungane i å ville gå nyttårsbukk. Det er tradisjon her, meir enn julebukk som eg er vant med frå Valdres. Julebukk går du i romjula, nyttårsbukk er på nyttårsaften. Minstemann har ein avtale om å gå med ei nabojente, det er vel ikkje lenge til dei er klar. Kanskje det bør bli mørkt først.

Dette har vore eit roleg år utan så mykje dramatikk. Nå kjenner eg at eg er klar for nye utfordringar, og er spent på kva det nye året kjem til å by på. Eg har ingen planar eller idear om kva eg kjem til å gjere eller sette i gang med, SÅ sjølvsikker er eg ikkje.... Eller så sikker på kor mykje energi eg greier å hoste opp. Drivhus er for eksempel eit stort ønske, men eg orkar ikkje kjempe for å få det realisert. Det må liksom legge seg til rette, om de forstår kva eg meiner. Det som står på agendaen er å RYDDE HUS OG HAGE!!!!!!!!

I følge ei Feng Shui-bok eg hadde med på ferie nyleg skal alt det gode i livet berre poppe opp av seg sjølv om du RYDDAR HUSET DITT. Kast, gi bort og vask..... da er lykken sikra.

Nå har eg innsett at noko er det i det. Her ligg det mykje gruff lagra i krokane, og nå skal det vekk. Kjenner berre kor mykje energi det ga å male stua i vinter. Hmmm - skal ta høgde for at eg igjen tek munnen litt full, og legg ut om planar som kanskje ikkje blir gjennomført så entusiastisk og kraftfullt som eg hadde tenkt. Det får så være. Nytt år gir nye muligheter - og nye krefter?

Ønsker uansett alle mine gode hagevenner eit kjempefint nytt år i 2009!

PS.Nyttårsbukkane:

Gutta mine....

2008-12-28T21:24:00.004+01:00

Her er eg og dei tre gutta mine. Koseleg med store ungar som kjem heim til jul!
Denne jula har vore av dei beste eg har hatt - eg "tenker positivt" og innser gradvis kor mange grunnar eg har til å vere glad! Resten er ikkje viktig.... Sola saknar eg sjølvsagt, men eg veit jo at den er der ein plass, og at den kjem tilbake. Ha ei fortsatt fin romjul alle som er innom her!

GOD JUL TIL ALLE VENNER!

2008-12-24T15:41:00.006+01:00

Ja, her er det temmeleg dødt om dagen! Får kome sterkare igjen over nyttår. Da er det jo snart vår og alt.
Her ser de nokre bilder frå Tenerife i byrjinga av desember. Som de ser er julestjerne ein ynda utplantingsblomst til jul på dei breddegrader. Samplantinga med Tagetes gjorde ekstra stekt inntrykk.. Ellers likte eg godt dei tre elefantane utanfor Loro park, med julestjerner ved beina!

Så vil eg til slutt ønske alle GOD JUL, og eit GODT, NYTT HAGEÅR!!!

Orkidear og delfinar

2008-12-11T11:57:00.003+01:00

Her kjem det eit lite livsteikn til fraa Tenerife. Sit naa i ein spelehall og ventar paa to spelegale karar, der den eine paa snart 5 har blitt fullstendig hekta paa bilspel.... den skal tidlig kroekes.... (huff, desse bokstavane som manglar!) Vi har hatt nokre flotte opplevingar sidan sist eg skreiv. Vi har hatt leigebil eit par dagar, og kjoerte opp til foten av Teide - Spanias hoegaste fjell paa 3 700 meter! Vegen gjekk opp i ei hoegde paa ca. 2200 meter. Det var eit fantastisk, om enn ikkje saa veldig vakkert, syn, med lava over alt og ikkje eit grasstraa eller busk paa store omraade. For ein hagegal er det nesten "vondt" aa sjaa, men heldigvis kom vi til eit atskillig frodigare og meir groederikt landskap paa veg nedatt paa nordsida av oya. Kult aa sjaa bananpalmer paa rekke og rad, og skimte dei nesten modne klasene med blaa plastposar paa der dei hang til "ettermodning" slik det saag ut til.

Ellers har vi faat med oss Aqualand (badeland), Loro Park og Jungle Park. Vi har sett to delfinshow og eit spekkhoggarshow (som "Keiko"), og det var flott! Loro Park hadde eit overbygg med ei samling orkidear, men ikkje eit einaste navneskilt... Fine var dei likevel, eg tok ein del bilder, samt av nokre fine palmer og andre vekster. Loro Park var ein attraksjon paa mange maatar, men ikkje minst for ein hagegal var det flotte rabattar og spennande ting aa sjaa. Likevel ikkje saa mykje blomster, anna enn nokre rabattar med julestjerner paa framsida, ein plass i kombinasjon med straalande orange tagetes..!!

Soendag reiser vi heim, og det er delte meingar i familien om vi vil ha snoe eller ikkje naar vi kjem att. Haaper vi faar bilen inn i garasjen i det minste. Ha ei fin helg alle saman!

Livsteikn fraa ytlandet

2008-12-04T22:35:00.003+01:00

Er berre innom som snarast for àa seie hei - sit i hotell"gangen" (kva heiter det egentlig, lobby??) og skriv. Maa putte euro pàa ein automat, jammen gaar dei unna!!

Vi har det veldig bra her, har stort sett bada, sola oss litt (bittelitt kaldt saa langt) og rusla rundt og kost oss. I morra har vi planar om aa bli med paa delfin-safari med baat med glasbotn, og innlagt bading og lunching undervegs. Trur det blir bra for junior. Ellers har vi jo god tid, over ei veke igjen. Dette er herleg. mannen er i godlage, han kan visst tenke seg aa bu her aaret rundt. Akkurat det onsket faar han nok ikkje oppfylt, men ei veke av og til er greit...

Ja, naa datt eg ut her, heldigvis hadde det blitt lagra som utkast - puh!!

Kanskje eg berre skal onske alle ein god fredag i morra (hm... ER det fredag i morra??;-)), og deretter ei flott helg.

Kjem sterkare igjen....

Orange Souvereign - vanleg men fin

2008-11-28T18:17:00.005+01:00

Dette meiner eg er eit bilde av Orange Souvereign, teke i fjor. Den er ein av dei aller finaste, synest eg. Lett å ha med å gjere, stor blomst, kraftig stilk og veldig ORANGE!. Nyleg oppdaga eg eit brett med hippeastrum på Bunnpris på Moengården Vest. Dei var merka med berre Souvereign, og bildet var fiksa litt sånn at den såg meir raudaktig ut. Det er nok mange som blir skuffa når det dei trudde var ein "Red Lion-juleraud" hipp viser seg å vere strålande orange. Eg har ein frå før, og den vart også kjøpt før jul som juleblomst. Eg er glad for å ha fått ein til....

Gleder meg veldig til blomstringa byrjar her nå, men må utsette det så godt det let seg gjere i fjorten dagar framover. Når eg er tilbake frå det store utland har eg vyar om å FRÅTSE i hippeblomstring til godt over jul. Spennande om Papilioen finn det for godt å blomstre i år, forresten. Men uansett blir det bra!

Hjerte til alle som treng litt varme

2008-11-26T19:56:00.005+01:00

"Me and Molly"-bloggen gjorde sterkt inntrykk på meg i kveld. Eg kjenner meg nesten fysisk dårleg av ei så sterk å påminning om at det finst vondskap over alt i verda, og ikkje berre langt vekke der det er krig.....

Internett er eit mektig verktøy, som kan brukast til å gjere både vondt og godt. I kveld er eg oppteken av dei GODE kreftene som kan kanaliserast gjennnom nettet. Eg meiner at for kvar god, uegennyttig handling du gjer så aukar du summen av GODT i verda. Hurra for alle dei vennlege, omsorgsfulle og deltakande menneska som finst på nettet!

Intet nytt fra vestfronten

2008-11-26T17:04:00.005+01:00

Er vel tida for å drøyme seg litt vekk, nå kanskje. Berit, hugsar du dette? Teke på The Roof Gardens i London i mars i vår. Høgt over bytrafikken.....

Frå eit drivhus i Kew Gardens.

Kew igjen - krokusblomstring mars 2008.

Nå for tida skjer det fint lite hagerelatert. Det einaste eg kan kome på er følgande, som kanskje har meir form av hagebekymringar- og planar;
-Sigrid skreiv på gal at det går an å kutte toppen/bladverket på hippeastrumlauken feil, altså for høgt opp, slik at knuppen får problem med å kome ut. Da lurer eg på om eg har gjort den tabben på nokre av mine i år, og nå har dei byrja å få blad. Det vil vise seg.

-Eg har fått ferske frø av kvit Martagonlilje som eg bør så snart. Må hugse det før ferien!

-Eg gleder meg til våren....

-Det vart kjempevanskeleg å legge inn lenker til bilder på navna i frølista eg la ut. Alle kodene rota seg saman og det vart berre tull. Er det eg som er klønete, eller er det eit problem fleire har?

Det var alt for i dag altså. Novemberinnlegg dette her forstår du.....

Forsøk på frøliste: kva ligg i skuffen?

2008-11-24T10:28:00.013+01:00

FRØ SOM VENTAR PÅ VÅREN
Stauder:
Anchusa italica "Dropmore"
Martagonlilje, kvit
Alcea filicifolia "Antverp mixed" (rustresistent)
Nepeta govaniana "Zaskar Dragon"
Pimpinella major "Rosea"
Symphyandra pendula
Molina arundinacea
Verbascum "Southern charm"
Verbascum "Banana Custard"
Sedum "Turkish delight"
Scabiosa "Beaujolais Bonnets"
Polemonium pauciflorum "Silver leaf form"
Polemonium boreale "Heavenly habit"
Lysimachia atropurpurea
Mimulus "Mystic mixed"
Digitalis "Camelot cream"
Helianthemum nummularium "Mutabile"

Sommerblomster:
Geranium "Summer showers mixed"
Thunbergia "salmon shades"
(Fortsettelse følger......)

Kvit førjulsvinter med fem minus

2008-11-23T17:17:00.004+01:00

Plutseleg vart det vinter ute.

Bilda er frå i fjor, men snøen er rimeleg lik seg i år også.

Mannen i huset har fått skikkeleg hekseskudd av snømåkinga, så han må fraktast til kiropraktor i morra. Det er eit og eit halvt år sia han var slik sist, så vi får vel vere glade for det. Eg skulle ha vore i Førde på kurs, men det droppar eg gladeleg. Vi har skumle planar om ein to vekers sydentur til Tenerife snart, så nå er det best å stelle fint med ektemannen så vi får han med...

Eg har fått kloa i ein ny hippeastrum - ein Macarena. Eg skal plassere alle laukane i kjelleren til vi er tilbake, har eg tenkt. Vil ikkje risikere noko blomstring medan eg er vekke!

Eg fekk tidlegare i haust mange gode råd på hagegal om kva som er sjåverdig på Tenerife, skal jammen gå inn igjen der og friske det opp før vi reiser. Vi gleder oss, men reisefeberen er på plass alt. Litt stress med at når vi er tilbake så er julegjestene rett rundt hjørnet. Da bør huset vere så nokolunde i orden, så eg ikkje blir oppteken med berre vasking og rydding til like inn i jula. Med det jobbstresset som mannen min har hatt i haust (og nå med vond rygg) er det ikkje stort han kan bidra med. For første gong i mitt liv har eg nesten alle julegavene klar før desember... Hmm. Kanskje eg greier å bli litt glad i jula og til slutt?!

Meming her og...

2008-11-21T22:38:00.004+01:00

Ingen har utfordra meg, men eg fekk lyst til å svare på spørsmåla likevel.... Greit?

1. Hvis du kunne, ville du leid inn en hagedesigner? Hvis nei, hvorfor – hvis ja: hvem?
Nei, hagen min får du aldri... Eg opplever at hagen nesten er ein del av meg. Da kan eg vel ikkje la nokon andre designe den, eller?

2. Er du fornøyd med størrelsen på hagen din. Ville du hatt den større, mindre? Hvorfor?
Hagen min er på ca. to mål, og den er herleg romsleg. Vi ser ikkje naboar gjennom kjøkkenvinduet, og eg føler at eg rår over eit lite rike som ingen andre har noko med. At den naboen som har utsikt til rotet mitt (tomme potter!!) ikkje direkte set pris på det han ser, er eg i grunnen smerteleg klar over.....

3. Nevn minst to hagegale du misunner (ikke på noen negativ måte, da…) – og hvorfor (og ikke nødvendigvis for hagerelaterte ting, det er tross alt november…).
Nei, eg misunner ingen, men eg beundrar folk for ting. Eg beundrar hajal fordi han veit og kan så mykje, og fordi han verkar som om han aldri går skikkeleg lei eller mistar motet. Det gjer nemleg eg av og til. Ellers beundrar eg Solfrid som verkar så fornøgd med haginga si uansett kva som skjer, og som alltid sår, tålmodig og full av optimisme, utan planterom!

4. Ville du flyttet hagen din til en annen klimasone hvis du kunne? Hvilken?
Nei - eg likar denne klimasona, som er 3 eller noko slikt. 2 1/2 kanskje etter kvart? Eg blir rett nok lei regnet og mildværet om vinteren, men det har den fordelen at det meste overlever fint ute utan dekking, som er ultrakjedeleg å drive med. Eg er glad i at årstidene skifter, og set større og større pris på hausten og vinteren som årstider. Det er fasinerande med fargane som endrar seg, strukturane som kjem gradvis meir fram og til slutt dei nakne, vakre greinene og alle blå- og gråtonane i mørketida, særleg om det er litt snø eller rim. Det er rett og slett så PENT! Eg ser mykje av dette frå kjøkkenvinduet mitt, og innser at når eg blir gamal så kjem eg til å nikose meg med berre å sitte og glo ut....

5. Hager du alene, eller sammen med din kjære? Hva bidrar han/hun med?
Mannen min er ein motor- og tekno-mann. Det som har med jord og grønnsvær å gjere interesserer han midt i nakken som det heiter. Sånn får det berre vere. Litt ensomt av og til, men han slår graset omhyggeleg, og snekrar ting når han må. Det er greit, og eg får frie tøyler heldigvis!

6. Hvorfor hager du?
Haging gir meg først og fremst GLEDE. Eg gløymer meg sjølv, og jobbar utan å føle at eg jobbar: det kjennest som rein moro! Det er også godt å bruke kroppen, eg likar å slite litt, svette, få til ting og sjå resultat. Hagen gir meg inspirasjon, skaparglede, stimulerer fantasien og overraskar meg stadig vekk. Bra!

7. Ser du en åndelig/metafysisk dimensjon i hagen?
Ja, faktisk. Eg blir av og til overvelda av alt som er levande, og ser kor stort det er. Hagen er ein del av naturen. Den er djupast sett ein slags hyllest til alt det som er levande. (Huff -dette vart svulstig..., beklager.)

8. Har du begynt å glede deg til våren, eller gleder du deg mest til jul foreløpig?
Eg likar ikkje jula så godt, så eg gleder meg nok mest til våren, ja. Likevel er det godt med ei hagepause nå. Eg treng den for å finne att inspirasjonen og draumane, slik at visjonen om min fantastiske, framtidige hage ikkje blir borte i traurige bladlusangrep, tørke eller kampen mot skvallerkålen.

Hippeastrum rutilum

2008-11-20T22:49:00.006+01:00

Eg har vore så heldig å få nokre smålaukar av denne hippeastrumen - gjennom hagagal sjølvsagt! Hippeastrum rutilum, eller kappamaryllis som den også blir kalt. Eg har fleire store planter nå, sjølv om eg har gitt bort nokre. Eg ventar veldig på blomst, men ser ikkje teikn til noko enda... Kanskje til neste år da? Den som ventar på noko godt, ventar ikkje forgjeves!

P.S. Nå som eg hadde skreve om desse luringane gjekk eg og kikka litt på dei, og gjett: den eine har knupp! Lovar å legge ut bilde så fort den sprett ut.

Eit vakkert syn

2008-11-09T16:04:00.008+01:00

I dag har eg potta dei siste hippeastrum-laukane. Nå har eg ein skatt på planterommet! De ser berre ein del av dei på bilda, har vel om lag 21 blomstringsklare, men sikkert like mange som er for små enda. Der har eg ein jobb å gjere snart: bør potte om og stelle litt med smålaukane. Det gjeld og frøplanter av clivia som har stått der i såpottene sine eit år snart. Dei lever i alle fall, det er det viktigaste. Det vil seie alle unntatt dei utan striper.... Dei viser seg å dø etter å ha sett veldig friske og fine ut lenge. Har lese at det er fordi dei manglar evne til å danne klorofyll, fordi dei er albinoar med heilt bleike blad. Når så næringa i det relativt store cliviafrøet er brukt opp, er det kroken på døra dessverre. Døden ventar..... Eg har ein plante med striper etter alle frøa eg sådde i fjor vinter. Den har altså mørkare striper med normal fungering, og greier å halde liv i seg sjølv om den veks litt seinare enn dei med heilgrønne blad. Ja ja. Da har eg plass til fleire....

Var forresten på tur i skogen i dag i lag med fire småkarar mellom 4 og 6. Det var godt å vere ute, er mildt og fint her nå. Litt vind var det, men fint likevel. Da vi kom heim fekk eg lurt meg ned i kjelleren og vaska potter ei stund. Eg har uendeleg mange, og i sommar har dei havna i ein stor, stygg rotehaug utafor kjellerdøra!. Eg har grudd meg for å gå laus på kaoset, men NÅ er eg i gang. Eg har også samla saman aluminiumsbretta mine, som det er plass til mange 7.cm.firkantpotter på. Dei er eg så glad for at eg kjøpte. Fann dei på ein butikk i Førde der dei sel kontorutstyr og cateringutstyr av alle slag. Bretta er nok bereikna på frakting av mat i store mengder, derfor er dei konstruert sånn at dei ikkje mister fasongen og plutseleg veltar innhaldet ut under bæring f.eks. Genialt for tung last av potter.

Eg ser for meg ein såsesong-start rett over jul med berre reine potter og brett, nytt planterom og ryddig uteområde..... Skal bli flinkare til å rydde heretter, eg lovar det!

Håper ellers alle får ein fin søndagskveld, og fortsatt fin farsdag!

Sol ute, hippeplanting inne

2008-11-06T12:16:00.004+01:00

Dette er bilder frå i fjor, altså!

Innehagesesongen har starta, og eg driv på planterommet og førebur vinterens vindusblomstring og små overlevelses-gleder for meg sjølv....

Men, så er det altså SOL ute.......

Kanskje ein skulle ha gått ein tur på beina sine? Prøvd om dei fortsatt fungerer, liksom? Har vore lat og stillesittande etter at fjelltursesongen dabba av i september.

Må tenke litt meir på eit så grunleggande og vanskeleg spørsmål - og så må eg visst ha meg litt mat, kjenner eg.

Om du har sol eller ikkje: ha ein fin torsdag!!

Halloween og lauvraking

2008-11-01T16:38:00.007+01:00

Nå er det Halloween-tider, og her er trappepynten vår! Eg må innrømme at eg blir litt oppgitt over alle foreldre som er så skeptiske til halloween. Eg har ein barnsleg glede av å kle ut ungar som monster og lage skumle gresskarlykter og sette på trappa! Muleg det er meg det er noko gale med, men kva er det som er så ille med å lage litt moro og fjas av og til? Vi er da ikkje nødt til å kjøpe heile den kommersielle delen av det for det? Ungane kan kle seg ut med det du har i huset frå før, og godteri et da moderne ungar likevel - halloween eller ikkje! Eg synest og det er bra å banke på døra til naboane - kor ofte gjer vi det i våre dagar? Å vandre rundt i skummelt kostyme og true med "knask eller knep" fører i alle fall med seg både meir kreativitet, sosial aktivitet og frisk luft enn å sitte og spele dataspel.

I dag har eg og raka lauv - endeleg! Har lenge tenkt at eg skulle prøve å ta vare på noko av alt det fine kompostmaterialet som vanlegvis bles over til naboen i løpet av vinteren... Ikkje mykje kosmetisk raking her i huset, vi har da naturtomt...? I alle fall når det passar oss.

Å rake lauv var og ein fin aktivitet i sola i dag, og eg hadde eit påskudd for å vere ute i hagen. Det er like fint med ein hageformiddag som med ein tur i skogen, og lettare tilgjengeleg! Er jo fint i skogen og, da. Det vart fylt godt opp i bingane som de ser. (det er ein trådbinge bakerst som ikkje synest så godt, pluss at eg fylte ein til). Til våren må eg gjere alvor av å skaffe meg eit par ekstra. Har så bratt hage at eg må ha "gjenvinningsanlegg" på ulike stader, i alle fall to.

Ha ein fin laurdagskveld!

Ingen veg tilbake

2008-10-30T11:57:00.007+01:00

Nå er det haust, nesten vinter. Dei siste solstrålene i hagen vår før den forsvinn bak fjellet vart foreviga i dag.

Dette er "isbenken" under kristtornen. Lite innbydande å sitte her med kroneisen sin nå for tida.

Her har det skjedd noko dramatisk. Restar etter den store hippemassakren i går....

Bladlaus i vintersola. Drøymer sikkert om vårsol og fuglesang, tenker eg;-)

Vinterblomstringa redda i siste liten!

2008-10-29T11:52:00.005+01:00

I dag har eg avspasert nokre timar, og har endeleg fått i hus hippelaukane mine, samt dahlia, fuchsia og pellis. Absolutt i siste liten, eg var rimeleg nervøs da eg grov opp den første hippelauken. Har altså vore nede i 2-3 minus her i natt...

Det såg ut til å ha gått bra! Var ei skorpe med frosen jord på toppen, men mjukt og fint under. Laukane såg slett ikkje verst ut, så nå er eg letta!

Været akkurat nå er forresten fint, med sol og bittelitt rim/snø på bakken. Skulle egentleg ha vore heime og kost meg med dei siste soltrålene for i år i staden for å traske på jobb.

Er billaus for tida, etter å ha kjørt til Stadt med "nybilen" til mannen i går. Det starta med ein liten bankelyd først, men skramla og skalv så fælt da eg var framme at den berre måtte settast att på næraste verkstad. I dag fekk eg beskjed om at høgre framhjul var så laust at om eg hadde kjørt ein kilometer til hadde det ramla av.

Er fotgjengar i dag, eg.

Kupping av Hagelaget?

2008-10-22T21:47:00.002+02:00

I kveld har eg vore på årsmøte i Eid hagelag. Da møtet var slutt og kaffekannene tomme såg styret slik ut:
Leiar: Cherie
Sekretær: ElinG
Styremedlem: hajal
pluss to til sjølvsagt.....

Dette ser formeleg ut som eit hagegal-kupp av lokallaget, det.....!

Kva har eg gitt meg ut på nå. Dei trua med at laget vart lagt ned om ingen tok leiarvervet, og så eg som endeleg hadde bestemt meg for å få med meg alle hagevandringane.

Ja, eg skal gjere mitt beste i alle fall, og Elin og hajal er gode folk å ha i teamet, det er sikkert! Vi får la det stå til...

Tulipaner

2008-10-14T22:39:00.003+02:00

Førdetur i dag, og lynrask tur innom Plantasjen for å sjå om dei hadde noko eg kan bruke til arbeids/plantebrett på planterommet. Det hadde dei ikkje. Eg kom utatt med eit par skinn hagehanskar, ei (reserve) Fiskars planteskei av raudlakkert metall og treskaft. Det er den beste eg har hatt nokon gong. Nå har eg to, så panikken kan avvergast om den andre skulle bli borte - noko som skjer av og til. Eg fekk også med meg to poser med tulipanlaukar: "Orange Breeze" (orange)og "Jan Reus" (mørk raud). Den første er fosteriana, den andre triumph, utan at eg veit kva som er skilnaden. Tenker eg plantar dei i lag, dei har same blomstringstid.

Eg er trøtt i kveld, så den planlagte filmsjåinga mi trur eg at eg droppar. Kjenner at senga skal bli god snart nå!