tirsdag 7. juni 2016

Besøk i hagen!

Søndag sat eg ute litt om kvelden før eg skulle legge meg, og så dukka plutseleg denne karen opp! Prøver nok å gjømme seg, og håper det beste med nesa inni eføyen.....😬🤔

søndag 5. juni 2016

Travle tider i hagen

Mykje som skjer i hagen for tida. 5. juni i dag, og vi har eit vær som gjerne kunne gitt seg ut for å vere juli. Eg har flytta kjøkkenhagen min i år, og som vanleg ligg eg litt etter med det meste, så fekk ikkje tak i settepoteter... Har laga til fire pallekarmar på eit ubrukt område, men som trengte litt rydding først. Fekk også planta rotskudd av den gamle Besta-syrinen. Den opprinnelege buska måtte fjernast da vi planta hekk i april. (Hemlokk). Rotskuddet står nå ved den nye kjøkkenhagen, og kan kanskje glede den som jobbar der (meg!😂) på rette tida, med nydeleg blomsterlukt. Så legg eg ut eit bilde av noko eg ønskar meg, nemleg utepeis! Kanskje ein gong🤗
Duppesoleia måtte også flyttast, men ser ut til å trivast ved salixen. Skal dele den når den blir større, så eg kan ha denne nydelege stauda fleire plassar. 

Under: superpetunia raspberry blast. 

Rhododendron luteum, blomstrar for første gong. Flott plante! Luktar aldeles nydeleg.....


Nye bed i kjøkkenhagen. Dei to fremste laga i dag, og delvis fylt med kompost frå den gamle varmkompostbingen. Den eine skal eg ha squash i når plantene blir større. Ellers har eg sådd plukksalat, bondebønner og sukkererter i dag. Planta ut to plantar med brekkbønner, og har seks grønnkål frå før. Så spørs det på gartneren nå da... 

tirsdag 28. juli 2015

Meir blomster - fortsatt juli!

Klematisen Hagley Hybrid. denne har eg hatt i mange år, og den brukar å vere først ute med blomstringa. I år er den liten og puslete, og var slått av ein anna klematis som kjem lengre ned i innlegget.... Dette er uansett ein villig og frodig klematis som eg kan anbefale på det varmaste.
lychnis coronaria, toårig, finst også i kvit og lys rosa men denne cerisefarga er den mest vanlege trur eg. Sjølvsår seg litt men det er berre fint!
Dette er ein japansk lønn som heiter Orange Dream. Acer palmatum. I år har den auka bra i størrelse, og det er eg veldig glad for, for eg ser den frå kjøkkenvinduet og den rett og slett gløder der den står! Eg er også  veldig glad i orange....
Denne klematisen er eg litt usikker på kva heiter, men trur det er Piilu. I år hadde den to-tre veldig fylte blomster aller først. Det er blomster på fjorårsskudd. Dei som kjem seinare er frå årets skudd, og er enkle. Ikkje verst!
Dette er kongslys, eller verbascum nigrum. Desse frør seg litt, og eg har hatt dei i mange år. Dei er lette å luke vekk, men treng stor plass da rosettane blir digre. Desse likar eg godt. Dei er stilige og ranke og held seg oppreiste og fine uten støtte.
Ein liten ukjent geranium som eg trur må kome frå ei generøs hagedame på Stårheim. Eg fekk den med heim etter Eid hagelag sin basar i vår, og vart overraska da denne nydelege vesle rosa blomsten titta fram.
Klematis Etoile Violet, og årets suverene vinnar av klematiskonkurransen. Den kom tidleg i blomst, og er overveldande diger, men dobbelt så store blomster som dei andre. Den er i slag i år, og håper den gjentek oppvisninga neste år også. Men da skal eg prøve å beskjære dei litt, og ikkje berre la dei gjere som dei vil...
prydsvinerot, eller stachys grandiflora. Den sprer seg sakte, den tåler tørke og regn, den har fint bladverk, den er så tett at den held ugraset unna og den blomstrar forholdsvis lenge og på dei tid da mykje anna er ferdig. Og den har ein fin lillafarge. glad i denne.
Dette er ei prydbuske, nemleg sambucus nigra Black Lace. Den finaste hyllen eg veit. Håper eg får behalde den lenge .
Her er ein litt unnselig peon som eg trur kom som poderot til ein trepeon. Trepeonen døde, men opp kom denne. I år er den fantastisk, og dankar ut dei andre som er fylte og legg seg overende og ligg og blomstrar. Eg er også svak for enkle blomster, så da så.
lychnis chalcedonica, kvit. Sjølvsådd for nokre år sidan. Står heldigvis ein igjen i rotebedet, dei andre har eg gitt bort og eller dei har krepert av vanstell:-(
Her er ein nattlys, eller oenothera speciosa. Den redda eg ut av eit villniss i fjor, og ville prøve å berge den frå kvelningsdøden. Det har eg fått til, og nå skal den få vekse og legge på seg . Er glad i den fine gule fargen som er så fin i lag med dei raude knuppane.

Her er ein hosta som sneglane ikkje rører! Den heiter El Ninjo, og nedstammar truleg frå Halycon. Den har eg også, og den er av dei eg er mest glad i. Herlege planter.
Ja da, dette er vågalt, eg veit det. Snart har krypfredløsen teke over heile bedet. Eg må berre la den få lov til å briljere litt til før eg tek den vekk. Flott!
Ein sjølvsådd primula frå frø feg fekk på Hagegaltreffet i Kristiansand i 2011trur eg. Den heiter primula (hugsar ikkje nå, må sjekke)
Dette er ei herleg staude som heiter gillenia trifoliata.
Her er ein stikling eg tok av ein flott gyllengulgrønn busk for eit par år sia. Den har overlevd i potte, heldigvis! Blærespirea.  Physocarpus opulifolius. Trur det er Darts Gold. må finne ein fin plass til den i eit bed snart.

fredag 24. juli 2015

Kald juli, men det blomstrar likevel

Denne kjøpte eg på hagefestivalen på Dokka i Oppland i juni i fjor. Hugsar ikkje kva den heiter i farten, men den er søt og sneglene likar den visst ikkje. Det er ganske avgjerande her hos meg, for her kryr det.... Kan vere ein erigeron, eller bakkestjerne? Trur det var ein gamal sort uten sortsnavn. 
Fjorårets anlegging av eit cottage-garden-bed bak garasjen har gitt bra resultat. Må nok finjustere litt når det gjeld plassering av ting. Høge, lågare, kven legg seg ned, kven blomstrar når, kven er fine i lag og kven øydelegg for kvarandre osv. Komplisert er det, men eg må prøve meg fram trur eg. Er ein del toårige plantar her, og det betyr at eg må kome inn i eit system med å så kvart år for å ha dei i blomst heile tida. I dette bedet har eg mellom anna alchemilla mollis (stormarikåpe), linaria purpurea, lychnis coronaria, dianthus barbatus (busknellik), digitalis purpurea (vanleg revebjelle), digitalis purpurea 'Apricot delight', nokre iris som eg ikkje hugsar navnet på, geranium phaeum (mørk og kvit), polemonium (fjellflokk, blå og kvit), geranium albanum (geranium, rosa),  euphorbia dulcis 'Chameleon' og fleire andre. 

Linaria purpurea. Flotte, og flinke til å så seg sjølv.
Endeleg i gang med å få vekk meir av plenen!

søndag 7. juni 2015

Har sådd sommerblomster 7. Juni🌼

Litt seint, men prøver nå lell og håper det går bra. Har sådd blomstererter, ringblomster (må ha), og lysegule blomkarse.


lørdag 1. september 2012

Digging in the wind....

I dag vart det graving på meg. Det er laurdag, og det bles kraftig, og huset ser ikkje ut etter ein hektisk vår/sommar/seinsommarsesong, og eg BURDE vel strengt tatt vore inne og "greve" ut noko møkk. Men det vart utegraving i staden, og eg har kost meg med spaden i vindkasta! Her ser de det ikkje så veldig imponerande resultaten av innsatsen. Bedet er større enn det ser ut til, og det ligg under ein stor japansk lønn av det vanlege mørkblada slaget. Den er stor og gamal, og endeleg er det muleg å få plass til eit bed under.

Det store prosjektet dette er ein del av, er å fjerne alle busker og stauder, (ikkje få), langs eit råttent, opprinneleg kvitmalt stakittgjerde oppe på ein murkant. På den andre sida av gjerdet er det ein kommunal bilveg med lite biltrafikk, men desto meir gangtrafikk. Her har eg ergra meg over innsyn store delar av året, og skvallerkål og anna ugras som det er umuleg å få kontroll på på murkanten, bak stakittet!
Til saken: dette er nemleg eit forsøk på å dokumentere kva eg har planta i bedet. Innerst ved stammen er det raud bispelue (Epimedium rubrum). Nå har eg endeleg fått slutta ringen, altså at epimediumen går heilt rundt stammen.Eh, jo da. Eg og ser det nå som eg burde ha gjort for mange år sidan...
Eg har ellers planta ein veldig fin men dessverre navnlaus hosta mot vest, Framfor den har eg sett nokre låge primula, raudlillablomstrande, (navn?). Så kjem nokre ukjende primula (muligens kvit kuleprimula, Primula denticulata). Mot sør er det eit opprom (enn så lenge), så kjem tolv hostababyar som vart sådd i mars 11, og som på mirakuløst vis har overlevd til nå. Etter der sette eg ned ein hosta som er blåaktig i bladverket, og som eg trur stammar frå ein navnlaus som eg fekk tak i på Plantasjen seint ein haust etter at blada hadde kollapsa av frost. Uansett var det eit kupp, for eg er så glad i den. Den liknar veldig på "Halycon". Har den mange plassar i hagen. Så kjem ein kvitbrokete polemonium (polemonium cauruleum "Brise D`anjou"). Så kjem ein kvitflekkete lungeurt med kvite blomster (pulmonaria "Sissinghurst White"). Nå har eg visst glømt ei lita frøplante av ein mørk raud Helleborus (Helleborus orientalis) som står ved den første, og dessverre navnlause, vestvendte hostaen.
Eg må sikkert ommøblere i bedet etter kvart, men nå står dei nå i jorda og kan gjere seg klar for vinteren.

Over ser de nabobedet, og der har eg sett enda ein navnlaus hosta, maken til den første. Den var nemleg delbar. Dette er forresten også eit nytt bed av året, og her har min store stolthet, ein sjølvsådd blomsterkornell, (cornus kousa) fått plassen sin.

Vil du vite kva eg har tenkt å gjere på murkanten? Jo, når våren kjem skal eg brutalt sage ned ein gamaldags syrin, med ditto rotskudd, ein diiiger kornell (Cornus alba "Elegantissima"), og ein diger stillehavspil ( Salix lasiandra), og så skal eg flytte ein sølvpil (salix alba), ein kvitrogn (Sorbus koehneana) og ein hyll med svarte blad (sambucus nigra "Black Beauty"). Så skal vi sette opp eit solid nettinggjerde ute på murkanten før vi legg på solid duk og plantar hekk. Nå vil eg ha ein tett-året-rundt, klippbar og vintergrønn hekk av Taxus, barlind, og eg vil ha kontroll på den hersens skvallerkålen på murkanten! Hah!

tirsdag 10. juli 2012

Chiastophyllum oppositifolium, smørblad

Har nyleg kjøpt frø av chiastophyllum oppositifolium, smørblad eller gullbue på norsk. Frøa hadde sortsnavnet "Solar Yellow". Ikkje før frøa dumpa ned i postkassa, så snubla eg over same planta på eit lokalt gatneri (Nyttingnes). Den var fin! Er glad eg fekk tak i den, og gleder meg til å sjå korleis den likar seg i det bedet eg har planta den. Skal også så frøa til våren, og håper sorten med det flotte navnet "Solar Yellow er enda finare enn den eg har kjøpt:-)