fredag 23. januar 2009

Endeleg hippeblomst å vise fram



Nå har omsider Macarena starta blomstringa: Den er fin, har ein laaang stilk, og ikkje blad. Lauken kjøpte eg på Bystasjonen i Bergen i november. Den har stått i kjøleg planterom i fleire veker på grunn av at vi var på Tenerife før jul, men det fungerte bra.


Kjøpte meg ein ny Clivia da eg var i Stryn tirsdag. Den kosta 136 på Coop, og da måtte eg ha den. Tanken var at eg skulle gje den til mor mi, som ikkje har clivia frå før, men etter kvart har eg meir lyst til å ha den på kontoret.... Fin kontorplante i og med at dei tåler tørr luft og skjelden vatning. Eg får sjå, det kan hende det blir dårleg med blomster på kontoret i og med at den vil ha ein kjølegare periode akkurat som hippeastrum. Uansett: eg likar så veldig godt den "mjuke" orange fargen på den vanlege miniataen. Nyyydeleg!

Her ser de eit bilde som viser den flotte, orange fargen på cliviaen. Ikkje noko godt bilde, men fargen kjem fram. Eg tok også med eit bilde av den einaste variegerte cliviaen eg har. I fjor kjøpte eg frø frå Kina, og fleire skulle vere variegerte. Ein var truleg albino, så den døde da næringa i frøet var brukt opp. Den var nyydeleg, lys grønngul; men utan klorofyll - intet liv! Sånn er det i planteverda.... Den eg har att er eg veldig redd for og stolt av. Nå har den fått kome frå planterommet og opp i stua. Den får litt ekstra lys, ellers tenker eg at når februar kjem blir det så mykje naturleg dagslys at eg kan få dei til å vekse litt med å byrje gjødslinga så smått. Må vel nytte sesongen så godt ein kan for å få litt størrelse på desse småtassane. Da blir dei meir robuste og eg slepp å oppleve at dei stryk med, det er så utruleg irriterande. Eg hadde nesten greid å ta livet av ei anna clivia-frøplante med å la den stå i vatn for lenge. Den var i ferd med å råtne i rota, men eg fjerne det verste og sette den ned i jorda igjen og ga den rekonvalesens på planterommet og minimalt med vatn. Har eit visst håp om at den klarar seg, det var heldigvis små rotanlegg på undersida. Det var endatil "Butterball", den einaste gule eg har! Spørsmålet er berre når eg får sjå blomsten...? Får trøste meg med at det blir andre blomster å kose seg med mens eg ventar.....

3 kommentarer:

Berit sa...

Nydelig Macarena! Post den i blomstringstråden på forumet også, så kan enda fler nyte den!

Clivia har jeg ikke begitt meg ut på. Men fristende, ja!
Bare det at alle vinduskarmer er fulle for tida.

Herdis sa...

Vinduskarm-problemet er velkjent!

Ingrid E 's hage 630 moh sa...

Jeg har hatt en Clivia i mange år, men aldri en blomst :(
Trenger den kuldeperiode den også? Og hvordan går jeg frem da?