Eg har rydda i bed, spadd om komposten og kikka på spirer i heile dag. Tempeltreet mitt (Gingko biloba) har overlevd sin andre vinter ute nedgravd i potte, og eg er happy!
Eg har også sådd meir denne veka: desse pottene vart endeleg sett ut i dag. Hadde sikkert vore lurare å sette dei rett ut i og med at dei ikkje treng kuldebehandling. Det innsåg eg først etter at dei hadde fått nokre dagar på badet. Håper dei ikkje er i gang med spiring heilt enda.
Digitalis purpurea "Pams choice" (Mr. Fothergills)
Digitalis hybrida "Camelot cream"
Dianthus "Rainbow loveliness mixed" (Th&M)
Codonopsis pilosula
Scabiosa "Beaujolais bonnets"
Eg har nå våga meg til å prikle mine fire (!!!!) Impatiens-spirer. Det er nokre pingleplanter, som eg har irritert meg kraftig over i vår.
Eg sit att med fire spirer som sagt, etter å ha sådd tre posar med frø. Det var til slutt Brødrene Nelson-frø (Mix) som slo til. Dei andre spirte, men stagnerte i veksten. Har opplevd akkurat det same med ein pose petuniafrø også. Lurer nå på om det kan handle om dårleg kvalitet på frøa? Er da rart at ting spirer, og så skjer det ikkje meir. Andre plantar sådd under nøyaktig same tilhøva veks og blir til planter... Eg veit ikkje, men det er surt.
Alt i alt har dette vore ein herleg dag, og nå skal eg prøve å ta meg litt av dei som er inne i huset....
1 kommentar:
Herlig sol her også i dag. Vi har gått tur på slapseføre og sett at det smelter i solhellingene oppover i lia. Men ikke en barrflekk på den flate tomta vår i dalbotnen. Etterpå nøt vi en baier i solveggen. Skikkelig påfyll for kropp og sjel!
Legg inn en kommentar